華台對照詞典 - 臺灣台語語料庫應用檢索系統

一、查詢方式

二、資料來源

三、線頂版體例

四、原版作者序

踏話頭
國家語言發展法已經佇2019年1月19公佈，內面規定2022年8月初1起，對國小到高中攏愛開本土語言課程。臺灣原本使用人口上濟的臺灣話嘛是國家語言，所以嘛愛佇各級學校開課。這个做法對賰一个氣絲仔的台語當然是好消息，毋過欲揣著有能力通佇學校內面教台語的老師煞變成困難的任務。因為多數50歲以下的臺灣人台語的能力攏無通好，就算普通時仔有佮序大人咧講台語的，會曉講的臺灣話嘛真有限。離開日常生活的話題，多數的少年人攏袂當用台語輕鬆自在來佮人開講，閣較免講欲用台語來教課矣。有真濟少年人嘛有心想欲共台語學予好，毋過社會上會當提供的資源真有限。老大人雖然多數猶咧講台語，毋過過去𪜶無機會通接受台語教育，𪜶毋但毋捌台語文字，對現代生活中一直出現的新事物嘛毋知用台語愛按怎講。教育部佇網路公佈的《臺灣閩南語常用詞辭典》會當滿足一部份的需要，毋過真濟新的物件、新的講法嘛猶是查無。
教育部對各級學校的教學語言嘛已經放冗，老師上課無一定愛用華語來教課，若有意願，所有的本土語言攏會當成做教學語言。想欲用台語來教學的老師若拄著專有名詞，嘛無一定有法度揣著對應的台語講法。
這本詞典的編者對四十外年前就開始教外國人講臺灣話，嘛捌拄著真濟揣無工具冊的困擾。佇這馬這个台語有機會通翻身的時陣，相信需要台語工具冊的人會閣較濟，所以佇十外年前我就編輯出版過《實用台語詞典》、《簡明台語詞典》。毋過對這馬的少年人來講，欲直接使用台語詞典可能無遐簡單。台語詞典對新事物、新觀念嘛收袂齊全，為著欲予台語會當現代化，所以這馬決定閣編這本《華台對照詞典》，主要的目的是欲予想欲知影華語詞、華語話句欲按怎用台語來表達的人，有一本方便好用的參考冊。
這本詞典收華語詞，提供對應的台語詞抑是講法。較常用的詞攏會提供例句，毋但會當學著對應的台語詞，嘛會當知影兩種話語佇語法上的差別。這本詞典用注音符號的順序編排，對新時代的少年人來講真方便使用，毋免因為毋知影部首抑是算毋著筆畫就查袂著。想欲知影「零錢」的台語按怎講，照注音的順序去揣，連鞭就揣會著。
以早市面上嘛出版過幾若本這類的詞典，毋過無一本採用教育部推薦的漢字佮羅馬字，編輯的方式嘛攏無真理想。有的查揣的方法無利便，有的以華語詞目為主，對應的台語詞無濟，有的主要咧探討漢字的台語發音佮意思。《華台對照詞典》內面收的華語詞攏無做釋義，干焦有台語的對應詞抑是講法。一條華語詞若有對應的台語詞，就直接收台語詞，親像欲知影華語的「打呵欠」台語欲按怎講，對ㄉㄚˇ的音去查，就會當查著：

【打呵欠】① 哈唏hah-hì、② 擘哈peh-hā。

若是外來的新生事物，就會照意思抑是發音去創造新的對應台語，親像：

【漢堡】① 漢堡Hàn-pó。② 和肉佮hām-bah-kah、③ 美國割包bí-kok-kuah-pau。
（① 是德國的城市名，②、③ 是速食食品的台語對應詞。）
【三明治】① 俗麭𩛩sio̍k-pháng-kauh、② sa̋m-tó-it-tsih。
（① 是仿台語「潤餅𩛩」（春捲）創造的台語詞，② 是對日語外來語借來的外來詞標音。）

較專業的語詞會先照漢字標做台語音，表示會當直接借用華語詞，借詞是台語欲現代化上方便、有效率的辦法。華語咧現代化的過程中，對日語大量借詞。臺灣佇日本時代嘛對日語借袂少詞，這馬咱仝款會當對華語、日語借詞，來予台語綴會著新時代的需要。為著方便理解，專業詞嘛盡量翻做台語口語的講法，親像：

【零存整付】① 零存整付lîng-tsûn-tsíng-hù、② 零星寄規條領lân-san kià kui-tiâu niá。

單字詞若會當對應做無仝款的台語詞，會分項舉例，親像：

發
① 發huat。例：
發薪水→發薪水huat sin-suí。
發脾氣→發性地huat-sìng-tē。
發亮→發光huat kng。
麵粉發了→麵粉發矣mī-hún huat--ah。
② 分pun。例：
發糖果→分糖仔pun thn̂g-á。
發傳單→分傳單pun thuân-tuann。
③ 起khí。例：
發冷→起畏寒khí-uì-kuânn。
發癢→起癢khí tsiūnn。
發酒瘋→起酒痟khí-tsiú-siáu。
④ 富死pù-sí。例：
這下子我發了。→這聲我富死矣。Tsit-siann guá pù-sí--ah。
⑤ 放pàng。例：
發帖仔→放帖pàng-thiap。
⑥ 粒lia̍p。例：
一發子彈→一粒銃子tsi̍t lia̍p tshìng-tsí。

就算是輕聲的華語虛詞，因為佮台語的用法無仝，嘛會當揣著對應的台語講法，親像：

ㄅㄚba
吧
① 啦lah。例：
好吧！→好啦！Hó--lah!
走吧！→行啦！Kiânn--lah!
② 乎honnh。例：
這個很貴吧！→這真貴乎！Tse tsin kuì--honnh!
這是你的吧！→這是你的乎！Tse sī lí ê--honnh!

對以上的說明看來，這是一本有合時代需求，嘛真實用的工具冊。當然因為編者個人的能力有限，詞典難免會有錯誤，才請使用者若有發現詞典內面無妥當抑是毋著所在，愛共編者反映，詞典將來若會當再版，才來修正，先佇遮感謝逐家。

編者序
國家語言發展法已經在2019年1月19公佈，其中規定2022年8月1日起，從國小到高中都必須開本土語言課程。臺灣原本使用人口最多的臺灣話也是國家語言，所以也得在各級學校開課。這個做法對奄奄一息的台語當然是好消息，不過想找到有能力可以在學校裡教台語的老師卻成了困難的任務。因為多數50歲以下的臺灣人台語的能力都不太好，就算平常會用台語跟長輩交談的人，能說的台語也很有限。離開日常生活的話題，多數的年輕人都沒辦法用台語輕鬆自在地跟人聊天，更別說要用台語來教課了。
有很多年輕人也有心想把台語學好，可是社會上能提供的資源很有限。年長者雖然多數還在使用台語，但是過去他們沒有機會接受台語教育，所以他們不但不認識台語文字，對現代生活中一直出現的新事物也不知道用台語要怎麼說。教育部在網路公布的《臺灣閩南語常用詞辭典》能夠滿足一部分的需要，不過很多新的物件、新的說法也查不到。
教育部對各級學校的教學語言也已經鬆綁，老師上課不一定要用華語來教課，要是有意願，所有的本土語言都可以當作教學語言。想要用台語來教學的老師如果碰到專有名詞，也不一定有辦法找到對應的台語說法。
這本詞典的編者從四十多年前就開始教外國人說台語，也曾經遭遇苦無工具書的困擾。在當前這個台語有機會翻身的時候，相信需要台語工具書的人會更多，所以在十多年前編者就編輯出版過《實用台語詞典》、《簡明台語詞典》。可是對現在的年輕人來說，要直接使用台語詞典可能也沒那麼容易。台語詞典對新事物、新觀念也收得不夠齊全，所以現在決定再編這本《華台對照詞典》，主要的目的是要給想知道華語詞、華語語句要怎麼用台語來表達的人，有一本方便好用的參考書。
這本詞典收華語詞，提供對應的台語詞或是說法。較常用的詞都會提供例句，不但能夠學到對應的台語詞，也可以知道兩種語言在語法上的差別。這本詞典用注音符號的順序編排，對新時代的年青人來說很方便使用，不會因為不知道部首或是算錯筆畫就查不到。想知道「零錢」的台語怎麼說，照注音的順序去查，馬上就找得到。
過去坊間也出版過好幾本這類的詞典，可是沒有一本採用教育部推薦的漢字跟羅馬字，編輯的方式也都不甚理想。有的翻查的方法不方便，有的以華語詞目為主，對應的台語詞不多，也沒有台語例句，有的主要在探討漢字的台語發音及意義。《華台對照詞典》裡面收的華語詞都不做釋義，只有有台語的對應詞或是說法。一條華語詞如果有對應的台語詞，就直接收台語詞，例如想知道華語的「打呵欠」台語要怎麼說，從ㄉㄚˇ的音去查，就能查到：

【打呵欠】① 哈唏hah-hì 、② 擘哈peh-hā。

要是華語詞沒有台語原本就有的對應詞，就會照意思翻成意思接近的台語說法，像是：

【苛政】嚴官令giâm-kuann-līng。
【苛責】罵甲無一塊好mē/mā kah bô tsi̍t tè hó。例：不要苛責他→莫共罵甲無一塊好mài kā mē kah bô tsi̍t tè hó。
【苛政猛於虎】嚴官令較猛虎。Giâm-kuann-līng khah bíng hóo。

要是是外來的新生事物，就會照意思或發音去創造新的對應台語，像：

【漢堡】① 漢堡Hàn-pó、② 和肉佮hām-bah-kah、③ 美國割包bí-kok-kuah-pau。
（① 是德國的城市名，②、③ 是速食食品的台語對應詞。）
【三明治】① 俗麭𩛩sio̍k-pháng-kauh、② sa̋m-tó-it-tsih。
（① 是仿台語「潤餅𩛩」（春捲）創造的台語詞，② 是對日語外來語借來的外來詞標音。）

比較專業的語詞會先照漢字標注台語音，表示可以直接借用華語詞，借詞是台語要現代化最方便、有效率的辦法。華語在現代化的過程中，從日語大量借詞。臺灣在日治時期也從日語借了不少詞，現在我們同樣可以從華語、日語借詞，來讓台語跟得上新時代的需要。為了方便理解，專業詞也盡量翻做台語口語的說法，例如：

【零存整付】① 零存整付lîng-tsûn-tsíng-hù、② 零星寄規條領lân-san kià kui-tiâu niá。

單字詞如果能對應成不同的台語詞，就會分項舉例，例如：

發
① 發huat。例：
發薪水→發薪水huat sin-suí。
發脾氣→發性地huat-sìng-tē。
發亮→發光huat kng。
麵粉發了→麵粉發矣mī-hún huat--ah。
② 分pun。例：
發糖果→分糖仔pun thn̂g-á。
發傳單→分傳單pun thuân-tuann。
③ 起khí。例：
發冷→起畏寒khí-uì-kuânn。
發癢→起癢khí tsiūnn。
發酒瘋→起酒痟khí-tsiú-siáu。
④ 富死pù-sí。例：
這下子我發了。→這聲我富死矣。Tsit-siann guá pù-sí--ah。
⑤ 放pàng。例：
發帖仔→放帖pàng-thiap。
⑥ 粒lia̍p。例：
一發子彈→一粒銃子tsi̍t lia̍p tshìng-tsí。

即使是輕聲的華語虛詞，因為跟台語的用法不同，也能查到對應的台語說法，就像：

ㄅㄚba
吧
① 啦lah。例：
好吧！→好啦！Hó--lah!
走吧！→行啦！Kiânn--lah!
② 乎honnh。例：
這個很貴吧！→這真貴乎！Tse tsin kuì--honnh!
這是你的吧！→這是你的乎！Tse sī lí ê--honnh!

從以上的說明看來，這是一本合乎時代需求，也很實用的工具書。當然因為編者個人的能力有限，詞典中難免會有錯誤或遺漏，還請使用者若發現詞典裡有不恰當或是錯誤之處，請向編者反映，詞典將來若能再版，再來修正，先在這裡感謝大家。

華台對照詞典 盧廣誠編

華台對照詞典盧廣誠編