語法點檢索系統說明
顯示筆數
50 筆
編號
語法點
gí-huat-tiám
112-01
連……都
liân...to
語法說明
強調語氣，表示「連……都……」。在部分語境中「都」可替換成「嘛」。
例句
- 拚甲三頓無照時間食，有時連食飯的時間都無。
- 對透早等到日黃昏，連一隻細隻蠓仔都無踏跤到，
- 遮簡單的算術，連五、六歲囡仔都會曉，
- 你看，連這我嘛知，
- 連小說嘛攏有，
- 連來學校接囡仔的家長嘛按呢講！
113-01
[動詞]+完/了/煞/好
[tōng-sû]+uân/liáu/suah/hó
語法說明
表示動作已經完成、結束。這個結構的賓語會放在動詞前面。依不同的語境或個人習慣會選用不同的補語，「完、了」通常表示單純完成，「煞」通常表示事件結束，「好」通常表示產生一個結果。
例句
- 讀完，咱會重頭閣去思考家己人生的方向，
- 教完的時要求𪜶照劇情配音，
- 將遮的li-li-khok-khok的代誌做了，
- 我參觀了，煞有淡薄仔失望；
- 早頓食煞，五點半跤兜，
- 國校讀煞，干焦伊考牢初中
- 你單敢寫好矣？
- 袂麻煩，已經攏準備好矣。
- 嘿！我攏攢好矣，你才欲入去！
[動詞]+上/落+[賓語]
114-01
[動詞]+上+[賓語]
[tōng-sû]+tsiūnn+[pin-gí]
語法說明
從下往上到賓語的位置。
例句
- 嘛是台灣欲行上國際舞台的另外一个撇步！
- 兩隻同齊𬦰上橋頂，
- 我一路駛上一三九道路對公園路的市內行，
- 好話送上天，歹話囥一邊。
- 阮兜紅紅的西瓜切好捀上桌頂一人一𥐵，
114-02
[動詞]+落+[賓語]
[tōng-sû]+lo̍h+[pin-gí]
語法說明
從上往下到賓語的位置。
例句
- 仝款切予一塊一塊抨落鼎底用煠的，
- 一支劍插落塗，
- 逐日天光到日頭落山挖塗流。
- 因為政治因素，煞漸漸行落崎，
- 流籠坐落樓跤，
- pőng一下有人摔落海，是阮小弟，
[動詞]+出/入
115-01
[動詞]+出……
[tōng-sû]+tshut...
語法說明
動詞的方向從處所的內到外。不可在句末。
例句
- 行出台南車頭，
- 上好飛出太空來佮月娘唸情詩
- 明結拄傱出門口爾，就佇亭仔跤拄著俊生；
- 鳥仔放出籠。
- 予咱台灣人大聲喝出家己的名
115-02
[動詞]+入……
[tōng-sû]+ji̍p...
語法說明
動詞的方向從處所的外到內。不可在句末。
例句
- 佛教對印度傳入中國了後，就完全變形去矣。
- 我佮阿吉就趕緊傱入店內揣椅揣桌來坐。
- 一箱閣一箱的物資送入災區。
- 拄行入庄，遠遠就聽著狗仔咧吠的聲，
- 一手美金囥入胸前，一手銃管調向天頂，
[動詞]+來/去/掉
116-01
[動詞]+來
[tōng-sû]+lâi
語法說明
動詞的方向移向發話者。句末輕讀。
例句
- 有一工飛來兩隻烏頭鵠仔，
- 行來面頭前彼間咖啡館。
- 你敢捌聽過秫米也會當提來造橋起厝？
- 翕鳥的人就規大陣，攏傱傱來矣，
- 誠濟愛𬦰懸𬦰低的高手就攏倚來矣，
116-02
[動詞]+去
[tōng-sû]+khì
語法說明
動詞的方向遠離發話者。句末輕讀。
例句
- 我欲提去伊的教室予伊。
- 趕緊報名綴去看覓咧。
- 我三不五時仔嘛會走去遐看人行棋
- 規个煩惱嘛攏隨風飛飛去，
- 險仔去予魔神仔牽去，
116-03
[動詞]+去[無方向]
[tōng-sû]+--khì
語法說明
表示消減或不樂見的結果，或表示動作結束。
例句
- 作甲腰脊骨強欲折去。
- 毋是車就是人，強欲共路淹去，
- 向望毋通共咱的語言本錢開焦去，
- 規欉死去，種無幾欉起來，
- 嚇甲有的人真正頭殼歹去，
- 較袂去予蛇、鳥仔食去。
- 因為阿爸毋知按怎駛的，煞駛甲毋知路去。
- 面積煞一直勼減去。
- 常在作業寫到一半就覆佇桌仔頂睏去
116-04
[動詞]+掉（去）
[tōng-sû]+tiāu (--khì)
語法說明
表示動作結果為除去或狀態終止。
例句
- 共這个「重撥」的號碼洗掉去。
- 共薄縭絲的翼股隨片仔掣掉去，
- 啊彼號一寡環境哪會攏破壞掉去矣，
- 袂穿得的衫褲毋甘擲掉，
- 二空空九年我共工課辭掉，
- 蕭先生，你共外套褪掉，
- 抑是交予阮媽媽，共青青的粗皮削掉煮湯。
[動詞]+出/入+來/去
117-01
[動詞]+出來
[tōng-sû]+tshut-lâi
語法說明
動詞的方向從內到外，移向發話者。句末輕讀。
例句
- 參考書捎出來讀，
- 過足久的，才有一个阿婆仔行出來問阮欲創啥。
- 厝邊隔壁攏趕緊走出來佇厝後拍火路
- 毋過排出來的炭酸氣，是溫室氣體，
- 徛佇路口共簿仔提出來，
- 趕緊趕緊，橐袋仔撏出來，
117-02
[動詞]+出來[無方向]
[tōng-sû]+tshut-lâi[bô hong-hiòng]
語法說明
產生或彰顯概念與事物。賓語提前或省略。句末輕讀。
例句
- 最後阿川就哭出來矣。
- 疫苗的技術發展出來了後，
- 我只是共事實講出來niâ，敢講我有講毋著喔？
- 寫出來分享、提供討論，
- 會使真簡單就共分辨出來。
- 我就袂癮，干干仔愛共煮出來才甘願。
- 加出來的二十年欲按怎處理才好？
117-03
[動詞]+出去
[tōng-sû]+tshut-khì
語法說明
動詞的方向從內到外，遠離發話者。句末輕讀。
例句
- 然後捐出去起病院佮圖書館。
- 想欲來飛出去天邊
- 十年後，規家搬出去公寓式的宿舍，
- 害老師原底的笑面雄雄變做欲哭欲哭，越頭隨走出去，
- 跤踏仔踏落去，車就衝出去矣。
- 出外的出外，查某囡仔無嫁出去的守舊厝。
117-04
[動詞]+入來
[tōng-sû]+ji̍p-lâi
語法說明
動詞的方向從外到內，移向發話者。句末輕讀。即「進來」。
例句
- 客運車就隨駛入來雪山磅空，
- 到站踏擋仔si-si叫，勻勻仔旋入來耳空內底，
- 佮煙筒管烏煙攏收入去！才閣對車窗飛入來。
- 驚萬不幸風若是灌入來，厝蓋煞去予風夯去，
- 較早風颱定定對蘭陽溪口楔入來，
- 生理人對頂手割入來的貨仔，
117-05
[動詞]+入去
[tōng-sû]+ji̍p-khì
語法說明
動詞的方向從外到內，遠離發話者。句末輕讀。即「進去」。
例句
- 隨粒仔囥入去發栽的盆仔，
- 我綴伊傱入去，
- 指示向正手爿斡入去。
- 對外面欲攻入去非常困難。
- 真好佳哉考入去警察學校，
- 阿琪共數字拍入去一台真怪奇的電腦
[動詞]+起/落+來/去
118-01
[動詞]+起來
[tōng-sû]+khí-lâi
語法說明
動詞的方向從低處到高處，移向發話者。句末輕讀。
例句
- 差不多兩分鐘就共撈起來盤仔頂，
- 等候若熟才挖起來食。
- 煠好共罟起來搵蒜茸豆油，
- 隨對膨椅頂跳起來，
- 咱對倒手爿第一張共掀起來
118-02
[動詞]+（起）來[無方向]
[tōng-sû]+--(khí-)lâi[bô hong-hiòng]
語法說明
表示動作開始或發生，後面通常有動作的目的、判斷或結果。「起」有時可省略。
例句
- 連鐵網仔嘛愛買新的共補起來。
- 一切看起來攏誠圓滿。
- 精神重新振作起來，
- 表面上看來，
- 這个三歲囡仔算來就是我的外甥孫女。
- 這馬，想來有夠歹勢，
- 毋過好是好，做來才知無簡單，
118-03
[動詞]+起去
[tōng-sû]+khí-khì
語法說明
動詞的方向從低處到高處，遠離發話者。句末輕讀。
例句
- 規疊囥起去膨椅頂，
- 船長跳起去棑仔頂，
- 閣攑一枝鐵沙挑硩起去頂懸，
- 坐起去椅苴仔，
- 爬起去就是塚仔埔。
118-04
[動詞]+落來
[tōng-sû]+lo̍h-lâi
語法說明
動詞的方向從高處到低處，移向發話者。句末輕讀。即「下來」。
例句
- 阿財天頂跋落來
- 摔落來塗跤兜，
- 傱落來樓跤，
- 坐落來流目屎，
- 雲閣壓落來矣！
118-05
[動詞]+落來[無方向]
[tōng-sû]+lo̍h-lâi[bô hong-hiòng]
語法說明
表示動作發生且完成。句末輕讀。
例句
- 當咧無議量，就共允落來。
- 停跤落來共教示。
- 足想欲予伊恬靜落來。
- 無拍算國民黨共伊擋落來，
- 我將伊記錄落來，
- 免抾阿姊留落來的舊衫，
- 雖然拍無死，賰落來嘛是半條命。
118-06
[動詞]+落去
[tōng-sû]+lo̍h-khì
語法說明
動詞的方向從高處到低處，遠離發話者。句末輕讀。即「下去」。
例句
- 垃圾仔一喙一喙吞落去。
- 枝仔冰就佇阮相搶的時落落去塗跤，
- 人跳落去棑仔，划轉來岸邊
- 煞規盤總共捙落去潘桶去。
- 兩人順一條坎坎坷坷的小路行落去，
118-07
[動詞]+落去[無方向]
[tōng-sû]+lo̍h-khì[bô hong-hiòng]
語法說明
表示動作繼續。句末輕讀。
例句
- 繼續傳湠落去，
- 氣甲袂曉閣講落去。
- 紲落去食暗頓，
- 啊~音樂共奏落去，
- 將羅馬字共濫落去，
[動詞]+過/轉+來/去
119-01
[動詞]+過來
[tōng-sû]+kuè-lâi
語法說明
動詞的方向從遠處到近處，移向發話者。句末輕讀。
例句
- 拄好有一个少年家穿一領裘仔行過來。
- 阿兄走過來共我扶，
- 竟然共葵扇搶過來攑牢牢，
- 來！照過來照過來！
119-02
[動詞]+過去
[tōng-sû]+kuè-khì
語法說明
動詞的方向從近處到遠處，遠離發話者。句末輕讀。
例句
- 愛送過去加護病房照顧。
- 綴查埔囡仔的眼神瞭過去，
- 換我對這爿行過去，
- 手捀彼周西瓜，佇肉頂懸正爿攄過來，倒爿攄過去，
119-03
[動詞]+過（來/去）
[tōng-sû]+kuè
語法說明
隨動詞從一處到另一處。句末輕讀。
例句
- 一陣露螺寬寬仔爬，四界玲瑯踅，踅過田岸邊，踅過沙仔地
- 雄雄一隻鳥仔飛過，
- 我講正爿斡過，山跤有靈山寺、白雲寺；
- 家己一个人褪赤跤對庄內的店仔頭行過，
- 沿路行過二仁溪墘，
- 勻勻仔駛過巷仔尾的紅毛塗橋的時陣，
119-04
[動詞]+轉來
[tōng-sû]+tńg-lâi
語法說明
動詞的方向從他處返回，移向發話者。句末輕讀。即「回來」。
例句
- 阿爸有買啥物果子轉來？
- 對動物病院共𤆬轉來飼，
- 真正予我借著。我提轉來厝看，
- 斡轉來另外一逝步道，
- 共開去的錢趁轉來。
- 這是咱台灣人的權利，咱一定愛討轉來。
119-05
[動詞]+轉去
[tōng-sû]+tńg-khì
語法說明
動詞的方向從他處返回，遠離發話者。句末輕讀。即「回去」。
例句
- 順紲紮一粒麵龜轉去。
- 細漢爸母無閒共我送轉去庄跤老厝，
- 慢慢仔行轉去厝內底。
- 走轉去問阿媽。
- 政府講欲共咱的土地收轉去。
120-01
一[量詞]一[量詞]……
tsi̍t [liōng-sû] tsi̍t [liōng-sû]...
語法說明
逐一。
例句
- 這馬一步一步行入去家己食甲空空空的烏樹林內底。
- 烏面抐桮，𪜶生活攏是一群一群鬥陣做伙的，
- 一莢一莢親像關刀按呢吊佇樹仔椏幌來幌去。
- 久來才斟酌著鋁合金的輪框起一搭一搭的白烌，
121-01
連鞭……連鞭……
liâm-mi…liâm-mi…
語法說明
表示一下子這樣一下子那樣、一會兒……一會兒……。也可以用「一下仔……一下仔……」。
例句
- 穿插嘛著連鞭短䘼、連鞭長䘼換來換去，
- 白雲踮山頂尾溜沓沓飛來，連鞭懸，連鞭低；
- 連鞭伸筋挽頷，連鞭傱來傱去，
- 心跳無規律，連鞭緊、連鞭慢，
- 手扞仔一下仔蹁正爿，一下仔蹁倒爿。
122-01
……煞……
...suah…
語法說明
卻、竟。表示語氣轉折的連接詞。
例句
- 來遮予恁疼痛，煞惹恁操煩，
- 傷過歡喜，無細膩煞騎甲無油顧路，
- 伊生做袂䆀煞愛做歹，
- 我參觀了，煞有淡薄仔失望；
- 食佮蹛的錢歡喜甲煞袂記得納，
賓語位置
123-01
[賓語]+[動詞]+[補語]
[pin-gí]+[tōng-sû]+[póo-gí]
語法說明
華語[動詞]+[補語]+[賓語]的句式，若為「動作+結果」，則台語的賓語必須強制提前，成為[賓語]+[動詞]+[補語]。但若補語為有、無、輸、贏、斷、破、死等，可容許賓語不提前。
例句
- [賓語強制提前]
- 阿扁仔衫褲款好好，準備欲出獄矣，
- 工課若做煞，逐家攏是兩肢手膨疱兼遛皮，
- 咱「拉麵」食了才來做功課好無？
- 你功課做了矣是毋？
- [賓語前後皆可]
- 啊都這幾日生理攏做無，
- 阮阿公是青盲牛，頂懸的字看無。
- 干焦聽有伊上慣勢的語言。
- 伊看有宋澤萊的台語詩。
- [賓語無提前]
- 閣想欲澈底拍贏北風，
- 人咧講話，你莫共人拍斷鼓柄。
- 摃破家己的招牌
- 伊出車禍挵斷一齒角齒
- 正經揣無跤路通迒過
- 啥物心情攏揣有一首歌來合
- 毋忍心來拆破你欺騙的話，莫閣講遐爾濟（歌詞）
- 嘛是因為阿公拆散𪜶爸仔囝（平衡）
123-02
[動詞]+[賓語]+[補語]
[tōng-sû]+[pin-gí]+[póo-gí]
語法說明
華語[動詞]+[補語]+[賓語]的句式，在特定幾個用法中會習慣以[動詞]+[賓語]+[補語]的順序使用。
例句
- 到食飯飽的下晡時，
- 鬥陣的時陣煞賰食暗飽到欲睏的這段時間爾爾。
- 食晝飽盹龜一下。
- 啉酒醉咧掠兔仔
124-01
[動詞]+（過）來+[動詞]+（過）去
[tōng-sû]+(kuè-)lâi+[tōng-sû]+(kuè-)khì
語法說明
動詞重疊，嵌入來、去，表示動作反覆。
例句
- 嫌豆仔有烏斑，嫌豆仔有蟲空。嫌過來嫌過去，
- 醫生帶手套指頭仔伸入去尻川內底摸過來摸過去了後，
- 干樂抨眠床頂，反過來反過去，
- 猶有不止仔濟頭幔絲仔巾信回教的查某人咧行來行去
- 幾隻牛食來食去嘛攏佇家己彼條牛索半徑內底。
- 我想來想去想袂賰，
125-01
等等
tíng-tíng
語法說明
列舉時的省略詞。在台語中不宜只用單音詞「等(tíng)」。
例句
- 伊投資公共建設，親像：起水庫、鋪鐵枝路、推捒觀光等等。
- 親像紅嬰仔、囡仔人、老人等等。
- 嘛不時有通看著山羌、膨鼠、水果猫等等野獸的形影。
- 成員包括醫師、律師、教授、議員等等無仝行業的人。
- LINE、面冊、Twitter等等的軟體攏誠方便。
126-01
分數
hun-sòo
語法說明
例如1/3，台語有「三份一(sann hūn tsi̍t)」和「三分之一(sann hun tsi it )」兩種說法。
例句
- 三份一。
- Okinawa的百姓死三分之一。
- 九分之三經過約分等於三分之一。
- 四又三分之二。
- 核四一定做到百分之百安全，才正式運轉。
127-01
加減乘除
ka kiám sîng tî
語法說明
一加二等於三、五減三等於二、三乘二等於六、八除四等於二。加、減、乘、除、等於都要變調，數字讀本調。 （ 但九九乘法表的讀法「三二六」則三讀變調，二、六讀本調）
例句
- 五加五是十
- 10減5等於5。
- 七乘四是二八
- 十六除八是二
- 15用3除等於5。
128-01
點
tiám
語法說明
有小數點的數字，小數點後僅一位數時，1、2讀「一(it)、二(jī)」，3以後讀白讀音，例如3.5唸成「三點五(sann tiám gōo)」。小數點後若有2位數以上，則全部讀為文讀音，例如3.52唸成「三點五二(sann tiám ngóo jī)」。除最後一個數字外，前面的數字和「點」都要讀變調。
例句
- 七除二是三點五
- 這支螢幕五點七吋，
- 全長二點八五公里，
- 量約零點六公里才到登山口。
- 平均逐位婦人人生的囝兒干焦一點二个，
129-01
喝A就A
huah A tō A
語法說明
所提及的狀況馬上出現，即說怎樣就怎樣。
例句
- 救地球，毋免揀時陣，咱喝行就行。
- 天氣喝變就變。
131-01
干焦……就……
kan-na...tō...
語法說明
只有、僅僅……就……。
例句
- 干焦坐咧聽課就遮忝，
- 現此時干焦icecream就有六、七十款無仝的口味；
- 干焦想著就予人流喙瀾。
- 干焦唚一下就有大紅包，
- 若毋是我的技術讚，干焦跳來跳去就跋死幾若擺，
132-01
一來……二來……
it--lâi...jī--lâi...
語法說明
分別敘述兩種狀況。「一、二」要讀本調，「來」要讀輕聲。
例句
- 一來會當包嬰仔，二來會當拭流出來的血水。
- 一來路頭遠，二來看袂出新的理事長有啥物使命感，值得情義相伨。
- 一來𪜶袂當參加罷工，二來𪜶違反一例一休，
133-01
以+[方位]
í+[hong-uī]
語法說明
次序、程度、數量、位置等在某一標準之上、下、內、外或方位。「以」字前要讀本調。
例句
- 一半以上是欲送人的，
- 年歲佇國中以下的少年人，
- 通常是講海拔八百公尺以內的所在，
- 我除了讀冊以外，上愛做的代誌就是彈鋼琴，
- 黃金期是七歲以前。
- 一九八六年以後，
- 臺中以南。
134-01
[介詞]+[賓語]
[kài-sû]+[pin-gí]
語法說明
華語「跟、順、沿、趁、對、照」等介詞須加上「著」再加賓語，形成「跟著、順著」等，但台語「綴(tuè)、順(sūn)、趁(thàn)、對(tuì)、用(iōng)、照(tsiàu)」等介詞，與賓語之間不能加「著(tio̍h)」。
例句
- 綴這九降風，真濟渡鳥嘛飛來台灣矣！
- 出枋橋站，順縣民大道慢慢仔行，
- 趁菜猶未上桌的時陣，
- 我才開始對台語教學有興趣，
- 就吩咐伊用手電仔照路，
- 我照朋友教我的方法去試看覓，
若
135-01
若……
nā...
語法說明
表示假設，也可以用「若準、準若、準講、假設、假使、設使」等，即華語「如果……的話」，但台語不能用「的話(ê uē)」，而台語可在某些表假設關係的連詞後面再加上「若」。
例句
- 若是無去予人請，就佇厝裡食月餅，
- 假使，我若活佇彼个時代，
- 咱若無警覺，咱的下場會佮牛仝款。
- 若準天氣毋是遐熱，我足想欲建議你騎自輪車去。
- 自然虯的頭毛，準若無蓋濟，看起來猶是會騙得人，
- 設使運命相替換，伊欲學列強向外發展，
135-02
若……
ná...
語法說明
像。看起來。
例句
- 腹肚若水櫃，胸坎若樓梯。
- 哇！問話敢若咧射機關銃咧，
- 彼種方式，予阮感覺若親像市內的人，
- 嚨喉若像㧎著啥物，礙虐礙虐。
- 共溪水炤甲若像掖一沿金粉仝款。
得
136-01
會/袂+[動詞]+得
ē/bē+[tōng-sû]+tit
語法說明
表示能/不能進行該動詞。
例句
- 當然這陣就愛先過癮一下才會交代得，
- 彼稻仔毋是講閣一個月才會割得？
- 一寮豬仔，無一隻會刣得。
- 心肝內暢甲袂顧得，
- 無開錢袂煞得。
- 橫直袂做得工課，先食暗頓予飽，
136-02
會/袂+得+[動詞]
ē/bē+tit+[tōng-sû]
語法說明
表示可以/不可以進行該動詞。
例句
- 日子會得過就好，毋免遐辛苦。
- 公司會得綴環境的變遷，
- 好朋友會得放心，
- 一口氣袂得敨，結做風雲佇天頂滾絞，
- 雨落傷大就袂得收山，
- 幾若十冬袂得轉來台灣的晴美姊，
總是
137-01
總是
tsóng--sī
語法說明
表示無論如何或可是、但是的連接詞，「總」讀本調，「是」讀輕聲。另外，在句中將「總是」都讀為變調，則與華語的「總是」意思、用法相同。
例句
- 按呢講嘛怪怪呢！總是，會當省錢較要緊。
- 本土語言較袂hông看輕，總是，應該愛有對應的教育政策才著，
- 有人會講有一寡監查是愛做的。總是，咱愛去想的是咱目前的法律保護有夠無，
- 求神拜佛，會保庇咱平安過日，總是這干焦是求一个心安爾爾；
- 總是我相信，天公伯仔共我牽向母語創作這坵田園，
137-02
總是
tsóng-sī
語法說明
與華語「總是」的用法相同，在句中都讀為變調。
例句
- 做消費者總是感覺愈方便愈好，
- 總是佯做無看咧，
- 我總是借機會小變一下，
- 我總是掀掀咧就準拄煞。
- 可怕的是染著毒癮總是予人真歹戒除
138-01
無……
bô...
語法說明
時間或數量不到……。
例句
- 經過無一年就不幸過身，
- 冬節過無偌久，我共豆莢內底的子，
- 無幾秒鐘就昏甲毋知人。
- 食無三把蕹菜就想欲上西天
- 咱兩千个兄弟今賰無一半，
139-01
甲
kah
語法說明
既然。
例句
- 甲是落雨，計畫就延期。
- 甲若按呢，就請伊退出。
- 若甲按呢代誌就歹辦矣。
- 甲按呢來，我無蹽落去袂煞，
- 挖礦甲是特許的，就應該佇經濟發展佮生態保育中央掠平衡，
做
140-01
做+[代名詞]+[動詞]
tsò+[tuì-siōng]+[tōng-sû]
語法說明
任由某對象行事。
例句
- 徛佇擔前做伊一喙紲一喙，無咧細膩，
- 老人講做伊講，少年人共老人講的話準做一陣風。
- 迫害誠濟人的Hitler，做你去歐洲共掩護看覓。
- 有實力，做你共show，做你共變猴弄，
- 跳起去共阿吉𢯾咧，直直衝，做𪜶去。
140-02
做+[賓語]+[動詞]
tsò+[pin-gí]+[tōng-sû]
語法說明
當作某物來執行某事。
例句
- 搵蒜茸豆油準做四秀仔食，
- 『肉搜』揣出來，罵甲予伊做狗爬。
- 大了才通hông刣肉，做菜佮。
- 對樹頭到樹尾攏會使煎來做茶啉，
- 冬瓜、金瓜、黃瓜、醃瓜、菜瓜，攏是做菜配飯的瓜；
141-01
（閣）較……（嘛）
(koh-)khah...(mā)
語法說明
再怎麼……（也）。
例句
- 阿爸共阮講：「閣較歡喜的代誌，uân-nā會過去，
- 是講，較拚嘛是研究助理的款，
- 鴨卵較密嘛有縫。
- 不而過，咱講人較頇顢嘛有一步取。
- 食較濟嘛毋驚血壓會衝懸。
- 咱閣較戇的人嘛知影，這是「擔沙坉海了戇工」、「火燒罟寮全無望」。
142-01
免+[動詞]……嘛……
bián+[tōng-sû]+mā…
語法說明
不用......也……，表示必然如此。
例句
- 免講一世人，閣予你兩世人，你嘛挖袂了。
- 免講我嘛知，毋過手都咇咇掣啊。
- 門鎖咧，免講嘛開袂開。
- 厝頂無修理，免講嘛會漏。
- 免食嘛會飽
- 免用頭殼想嘛知影
- 故事的結局，免臆嘛知，
144-01
……才著
...tsiah tio̍h
語法說明
表達主觀推斷，即……才對。
例句
- 所以應該是講清理灶跤（廚房/流理台）才著。
- 今年過年的天氣嘛會仝款真好才著！
- 實現的彼一工嘛無遠矣才著。
- 阮遮的囝孫仔一定會平安幸福才著。
- 想講大肥無人會偷才著啦，
145-01
毋是……，就是……。
m̄ sī..., tō sī...
語法說明
不是……就是……。
例句
- 毋是大空細裂，就是烏青凝血，欲順序過日，誠拚咧！
- 毋是一百分、就是第一名，
- 若毋是佇枕頭邊，就是佇跤邊，
- 四箍圍恬喌喌，毋是塗就是石。
- 是路途重要選擇的分野：毋是起去就是落來，
146-01
[動詞]+毋著
[tōng-sû]+m̄-tio̍h
語法說明
動詞+錯。
例句
- 立場明顯創毋著去。
- 查某朋友的生日千萬袂使記毋著去！
- 「我聽毋著去，毋是刁工共恁騙。」
- 「歹勢，我看毋著去，阿煌跋倒，跤無斷去。」
- 毋知啥物人食毋著藥仔提議講：
- 原來電視講毋著，我講的才正確。
147-01
……的款
...ê khuán
語法說明
表推測語氣，即「……的樣子」。
例句
- 可能定予我等會歹勢的款。
- 可能是無感覺危險的款。
- 敢若小可有欲變歹天的款。
- 毋過我感覺便若「政府」攏無咧好空的款。
- 親像咧責怪伊無共照顧好勢的款，
- 是講，較拚嘛是研究助理的款，
148-01
……家己
...ka-kī
語法說明
反身代詞，可與人稱代詞結合使用，即……自己。
例句
- 好佳哉楊桃豆伊家己會揣相隔壁的樹仔來旋藤，
- 我家己咧想……
- 有真濟攏是阮家己自動去學來的。
- 恁家己嘛應該去照鏡，看恁讀的系敢有影較有路用？
- 若是作者家己無好品行，讀者是無法度接受的。
- 若是臺灣人家己無覺醒，咱的語言就是「安樂死」。
149-01
上蓋……
siōng-kài...
語法說明
最......，「蓋」可省略。單獨使用「蓋」則表示「很」的意思。
例句
- 這个明德，雖罔逐項譀譀，翕相上蓋認真。
- 純天然的菜蔬，是現代人上蓋佮意的野味。
- 拚台語，上蓋有意義。
- 阮兜是讀冊上蓋大，
- 上蓋精彩的一部分，
150-01
毋但……嘛……
m̄-nā...mā...
語法說明
不但……也……。
例句
- 毋但家己種菜，連雞仔鴨仔嘛攏家己飼。
- 毋但愛家己嘛關心別人。
- 毋但惜查某囝，嘛足疼外孫。
- 伊毋但有台文才情，嘛有華文才情呢！
- 去港仔邊買現流仔，毋但鮮嘛加真俗。
151-01
毋但……閣……
m̄-nā...koh...
語法說明
不但……還……。
例句
- 毋但參加活動，閣不時捐款。
- 若開車毋但袂淋著雨閣會使聽音樂，輕輕鬆鬆，
- 流亡來台灣，毋但無感謝台灣人收留，閣共咱𧿬踏，
- 偉大的母愛毋但是養飼，閣較重要的是教育，
- 伊毋但會曉唱歌，閣會曉彈鋼琴。
152-01
乎？
honnh？
語法說明
反問語助詞，表示與問話者確認的語氣，或有調侃的意味。
例句
- 你應該是有共伊摔著乎？
- 普通時仔喙齒攏無照起工洗喙乎？
- 按呢是真公平乎？
- 你一定真艱苦，真失望乎？
- 恁兩个姊妹仔閣咧相爭矣乎？
153-01
無半……
bô puànn...
語法說明
沒有任何一點……
例句
- 我無半項文藝青年所愛具備的條件佮底蒂，
- 有影無半點精差。
- 結果攏無半隻過來，
- 入房了後，發覺無半雙淺拖，
- 紲落，浴間仔無半條面巾、齒抿佮齒膏，
154-01
無論/毋管……抑是……
bô-lūn/m̄-kuán...ia̍h-sī...
語法說明
無論……或是……（都……）。
例句
- 無論是體力抑是精神，攏是一件真折磨的代誌。
- 無論是大人抑是囡仔，大多數攏想欲食好做輕可，
- 無論中式抑是西洋料理，到上落尾決定有一出甜路，
- 毋管這个慾貪是正面的抑是負面的，伊攏會引生性命的苦。
- 毋管是埃及法老抑是Louis十四，足久進前就攏已經日頭落山矣，
- 毋管大細枝柱仔、楹仔抑是相連的橫栱，攏用家己鋸台撩開的便料，
155-01
[動詞]+了
[tōng-sû]+liáu
語法說明
用於動詞及補語間，表示動作得到補語的結果。
例句
- 今，你考了按怎？
- 身體恢復了誠好
- 無跋真鬱卒，跋了損身體，會閃著腰脊骨
- 你免歡喜了傷早，
- 提名無著，予伊感覺小可愛了無著頭。
156-01
小可仔……
sió-khuá-á...
語法說明
稍微、有點，表程度微小。
例句
- 椅桌的方向小可仔調整一下。
- 下早仔氣溫十六至七度，小可仔罩雺，
- 小可仔做，一工過一工，
- 小可仔捾振動就會飛了了矣，
- 用頂𦜆佮喙舌小可仔共硩予散去，
- 攏是烏烏閣帶小可仔紅huánn紅huánn，
