語法點檢索系統說明
顯示筆數
50 筆
編號
語法點
gí-huat-tiám
051-01
傷（過）……
siunn(kuè)...
語法說明
過度，即「太……」，可接形容詞，也可接動詞。
例句
- 敢袂傷恐怖？
- 若傷𠕇就閣下寡水，
- 毋通傷過煩惱家己「無夠趣味」。
- 這敢毋是咱人傷過貪心？
- 囡仔人毋通傷作孽。
形容詞重疊AA/AAA
053-01
形容詞重疊AA
hîng-iông-sû tîng-tha̍h AA
語法說明
單音節形容詞重疊，表示程度弱化。
例句
- 阮是聽甲面仔紅紅，頭犁犁，
- 穿予媠媠、等領薪水。
- 鼻仔佮喙邊有一屑仔白白，
- 雞仔喙尖尖，討食用喙啄，
- 糖仔甜粿攏甜甜，
053-02
形容詞三疊AAA
hîng-iông-sû sann-tha̍h AAA
語法說明
單音節形容詞三疊，表示程度最強。其中本調為第1、5、7、8調之第一個音節會讀為第9調。
例句
- 做伙食一頓燒燒燒、芳芳芳的飯，
- 白頭殼仔𪜶頭殼頂彼tshop毛白白白，
- 驚甲戇戇戇，
- 醒來地動停矣，天清清清。
- 嘛愛彼種較骨力、𠢕創新、仁仁仁的高手。
形容詞重疊AABB/ABAB/ABAC
054-01
形容詞重疊AABB
hîng-iông-sû tîng-tha̍h AABB
語法說明
有程度差別的雙音節形容詞AB重疊成AABB，表示程度強化。部分形容詞強化的形式是ABAC（落氣落觸）、 ACAB（囉哩囉嗦）、ABCB（腌臢死臢）。
例句
- 毋是凊凊彩彩就會予人拚過的。
- 予我平平安安，歡歡喜喜，
- 若開車毋但袂淋著雨閣會使聽音樂，輕輕鬆鬆，
- 彎彎斡斡的山路
- 這件代誌費氣費觸。
- 明明都足想欲食，閣假仙假觸講食袂落去。
- 阿英都無愛你矣，你猶閣綿死綿爛咧求伊，
054-02
形容詞重疊ABAB
hîng-iông-sû tîng-tha̍h ABAB
語法說明
有程度差別的雙音節形容詞AB重疊成ABAB，表示程度弱化。重疊之間可加「仔」。
例句
- 猶規欉好勢好勢徛甲穩觸觸，
- 人生做瘦抽瘦抽，
- 阿母無意無意好禮仔共講：「今仔日有人客來，等相借問咧！」
- 幾仔萬年來，我是涼勢仔涼勢過日子
055-01
動詞重疊AABB
tōng-sû tîng-tha̍h AABB
語法說明
動詞重疊表示動作重複發生。
例句
- 落南去小港機場看飛行機起起落落，
- 早前出出入入著愛蹽溪過嶺，
- 伊來來去去幾若百逝攏無歇睏，
- 著共認定是冥冥當中有一支手咧搝搝搦搦，
- 伊就是傷無良心，才會予人指指揬揬。
- 自昨暝到今伊攏一直啼啼哭哭。
056-01
無/有重疊ABAC
bô/ū tîng-tha̍h ABAC
語法說明
將「無」、「有」重疊後，嵌在所修飾的詞彙BC中，成為ABAC以加強語氣。
例句
- 有一工，包領你無煩無惱笑微微！
- 前兩排攏排甲密密，無空無縫。
- 林半仙有情有義。
- 阿公會去揣兩枝有頭有尾的甘蔗，共並佇門後。
- 拍人的烏衫人早就旋甲無影無跡。
- 遐的心理孤單無依無倚的人
對+起點/目標/對象
057-01
對+[起點]……
tuì/uì+[khí-tiám]...
語法說明
後接處所、時間、狀態等範圍的起點或來源，表示「從……」。
例句
- [處所]對東爿的山地來。
- 對宜蘭盤過欲半个臺灣，來到高雄，
- 對頭頂到尻脊，
- [時間]對初一開鬼門開始，
- 對八點半等到九點，主角攏無形影，
- 對二空一空年秋季到今，
- [狀態]對我紅紅嫩嫩𤆬到今遮大漢，
- 正常人放屎大約是對一工三擺到一禮拜三擺，
- [來源]這个對五星級飯店來淡水開雞卵糕店的師傅，
- 的確是提著對美軍福利社來的咖啡粉。
- 咱對頂面的故事會當來思考一个問題：
057-02
對+[目標]……
tuì/uì+[bo̍k-piau]...
語法說明
後接處所，表示「到……」。
例句
- 金黃摻玉青的花海連對天的彼爿去，
- 溪水直直共文化捒對頭前去，
- 對這間安二十六塊窗仔的房間看對外口去，
- 陪美賢顧擔仔位的時，看對邊仔去，
- 流對厝角頭去，
057-03
對+[對象]……
tuì+[tuì-siōng]...
語法說明
介詞，接名詞，說明動作或情意的對象。
例句
- 我對伊是充滿好奇，
- 抑是對伊有啥不滿？
- 有我對老厝的感情，
- 對家己的主體性有所認同，
- 但是阿姊對小妹真疼痛，
不定數量
058-01
……捅+[量詞]
...thóng+[liōng-sû]
語法說明
加在十、百、千以上的倍數詞或時間整點之後，表示只超過一點點的概略數量。
例句
- 有挽著十捅莢較大的楊桃豆，
- 嘉義市四千四百捅人占第二，
- 這个oo-jí-sáng差不多七十捅歲，
- 這馬才五點捅仔爾爾，無著急走，
- 佇民國五十捅年的熱天，
058-02
……外+[量詞]
...guā+[liōng-sû]
語法說明
加在十、百、千以上的倍數詞或時間整點之後，表示超過一些的概略數量，即「……多」。比「捅(thóng)」多。
例句
- 雖然經過四十外年，
- 有兩千外公尺長，
- 二十外个家庭綴公司食飯，
- 十外冬來攏無變！
- 六十外歲致著糖尿病，
058-03
……幾+[量詞]
kuí+[liōng-sû]
語法說明
加在十、百、千以上的倍數詞之後，表示1到9的某個數量。
例句
- 十幾度的寒流天，
- 伊講，駛二十幾冬的車，
- 九十幾歲的老母，
- 會記得民國六十幾年，
058-04
成+[數量詞]
tsiânn+[sòo-liōng-sû]
語法說明
加在十、百、千以上的倍數詞或時間整點之前，表示接近的概略數量。
例句
- 成百人受感染，
- 成十冬來，研習內容多數是福當老師咧計畫，
- 干焦裝潢費磕著就愛成十萬，
- 看你遮有成十款，
- 比咱閣較早成千萬年來到遮，
- 睏到九點外成十點起床的人客準備的，
058-05
幾若+[數/量詞]
kuí-nā+[sòo/liōng-sû]
語法說明
後可接十、百、千以上的倍數詞或直接接量詞，表示不定多量。
例句
- 幾若工前就緊張甲睏袂去。
- 沿路參觀路邊幾若間的老建築，
- 未來一个少年的愛飼幾若个老人。
- 澎湖本身嘛有幾若種腔口。
- 價值幾若百萬箍的寶物，
058-06
幾+[(數)量詞]+仔……
kuí+[(sòo)liōng-sû]+á...
語法說明
中間為十、百、千以上的倍數詞或量詞，表示不定少量，可輕讀。
例句
- 千秋頭前閣有幾欉仔矮樹，
- 若是早幾年仔有社會單位介入來鬥相共，凡勢會當阻擋
- 毋信，我就舉幾个仔例，
- 共身軀頂幾滴仔水𫝺落去、欲來拍火。
- 學歷喔？啊就若ABC捌幾字仔就好。
058-07
--[數量]
--sòo-liōng
語法說明
將數量讀為輕讀時，表示數量非語句的焦點。若用「一、兩、幾」則表示不定量。
例句
- 這項菜真好食。閣加食一屑仔。
- 來去溼一杯仔，我請。
- 就歡迎伊加蹛一站仔，
- 阿媽請你著加𣁳兩碗仔，閣加請兩个仔，
- 流傳真濟佮魔神仔有底代的故事，閣會留人踮遐蹛幾工仔。
- 去共朋友擺幾千箍仔。
059-01
幾+[量詞]？
kuí+[liōng-sû]?
語法說明
表示特定數量的疑問代詞。
例句
- 大約仔知影你有幾兩重。
- 毋知閣會曉幾種語言？
- 按呢重覆來去，毋知影到第幾擺矣，
- 用號碼來號第幾間的腦寮，
- 有興趣聽的人，毋知猶賰幾个？
攏/都
060-01
攏
lóng
語法說明
表示「 （全部）都……」。
例句
- 毋管大細莢時到攏看現現，
- 彼工，各庄頭攏愛辦牲醴來祭拜媽祖婆，
- 毋過，逐年攏有中秋，
- 都攏無顫悶著，
- 伊真𠢕讀冊，攏是班裡第一名。
- 連雞仔鴨仔嘛攏家己飼。
- 實在蓋無奈恁攏毋知，
060-02
都
to
語法說明
表示強調的語氣，語意包括就、又、更、全部、已經等等；表示全部的「攏(lóng)」華語也翻譯成「都」，但兩者意思不同。
例句
- 厝生食都無夠矣，欲哪有通賰咧做序細娶某的聘金，
- 查某囝，疼，都袂赴矣，欲哪有可能送予別人咧？
- 逐冬會搬演一擺，若無去看都會怨嘆喔！
- 阿姑一个面仔膨獅獅，氣甲一句話都毋知欲按怎應。
- 幾若个兵仔，阿琴一世人都袂放袂記得。
061-01
[動詞/形容詞]+到/甲……
[tōng-sû/hîng-iông-sû]+kah...
語法說明
動作或狀態達到某時地、程度或結果。「到」經常虛化成「甲」。有時會把補語省略，表程度高，此時「甲」雖在句末仍須讀變調。
例句
- 戊戌年行到年尾矣，
- 咱攏來倒退，退到溪岸頭，
- 笑甲吱吱叫；
- 阿美講甲流目屎。
- 彼當陣疼甲欲死，
- 我枵甲擋袂牢，
比/較
062-01
A比B較……
A pí B khah...
語法說明
A、B兩者比較，「較」不可省略。「比」也可用「並(phīng)」。
例句
- 夯筆比夯鋤頭較重。
- 向望家己的囝會比人較𠢕，
- 有咧做總是比無咧做較好；
- 這款漚戲並三頓閣較捷
- 並你的咖啡應該袂較輸。
- 我自細漢文科一直攏並理科較強，
062-02
A較……B
A khah...B
語法說明
兩者比較，表示A比B更……。
例句
- 流汗較贏流鼻。
- 吹電風較輸吹自然風，
- 彼是甘蔗園密喌喌閣較懸人，
- 阿鵲聽了吐一个大氣，怨嘆人較毋值彼狗。
- 一个某較好三个天公祖
062-03
較
khah...
語法說明
與一般狀況或現狀相比要更……。
例句
- 月餅的款式有較濟，
- 坐十一號仔有較遠啦，
- 各大學攏濟少有較現代化，
- 凊彩揣有較閘蔭的所在就共栽落去，
- 若欲較緊，著愛坐計程仔，有較貴；
閣
064-01
……（又）閣1……
...(iū-)koh(1).....
語法說明
兼具前後兩種條件。
例句
- 有影看起來媠閣合軀。
- 免沃肥閣袂著蟲，
- 𠢕大閣臭賤，
- 喙焦閣腹肚枵，毋敢開喙，
- 班裡有一个媠媠閣有氣質的查某同學做伙讀冊。
064-02
閣2（再）……
koh(2)(-tsài)...
語法說明
又、再，表示再次或持續發生。
例句
- 我閣用指頭仔敲第二改，
- 應當是會繼續予這个問題閣再拖落去。
- 又閣著開刀？
- 叫伊莫閣齧矣。白蟻真正即時恬去，
- 載出，無閣載入
064-03
……，閣3……
..., koh(3)...
語法說明
還、而且，表示強調後面的狀態。
例句
- 毋但參加活動，閣不時捐款。
- 民宿的頭家提供食佮蹛，閣𤆬人客𨑨迌。
- 伊那看那愛笑，閣毋敢笑出聲，
- 開車較省時間，閣免曝日、搧風、淋雨，
- 斷層濟，閣加上長期抽地下水造成土地陷落；
064-04
閣4……
koh(4)...
語法說明
表示出乎意料的「還……」。
例句
- 彼陣全世界閣袂少國家來參訪，
- 閣真正像伊講的按呢，滿天的飛蜂hōng-hōng叫，
- 偏偏阮兜就有這款戇人，閣毋但一个喔！
- 感覺伊點出來的「媠」閣不止仔有道理。
- 閣袂少少年家、阿啄仔嘛來看，
064-05
……閣5
...koh(5)
語法說明
閣後的話語省略，表達強調的語氣，且「閣」讀變調。
例句
- 抑是消毒處理無好勢，致使囡仔、大人一條命煞保袂牢閣。
- 你都毋是柴頭閣，是按怎攏毋知影伊咧想啥？
- 我都無咧戇閣，哪有可能遐簡單就予伊騙去。
著
065-01
著1
tio̍h(1)
語法說明
動詞，表示正確、得到、輪到。
例句
- [正確]今年過年的天氣嘛會仝款真好才著！
- 著就是著，毋著就是毋著，事實囥踮面前，
- [得到]免沃肥閣袂著蟲，
- 二空一六全國特殊優良教師著獎感言
- [輪到]著你洗碗矣。
- 著我的番矣。
065-03
[動詞]+著2
[tōng-sû]+tio̍h(2)
語法說明
後接賓語，表示[動詞]+到。不接賓語時動詞讀本調、「著」輕讀。
例句
- 我驚伊鋸著家己，
- 袂去礙著我的工課。
- 誠濟國家拄著亢旱的苦楚，
- 滑一下摔一倒，鑢著面，摖破鼻，
- 阮班的同學攏驚會予伊𪐞著，
- 排半點外鐘才排著。
065-04
[動詞]+著3
[tōng-sû]+tio̍h(3)
語法說明
後接該動作引發的感受，表示[動詞]+起來。動詞讀變調、「著」讀本調。
例句
- 你敢知影？食著會紲喙。
- 彼款會當趕蠓的電子晶片，用著嘛誠好勢
- 溪水浸著有夠爽，你哪會遐慢。
- 粿皮頂印「雙喜」，看著誠有喜氣款。
- 吊橋行著會㽎。
- 這號話聽著真礙虐。
065-05
[動詞]+著4
[tōng-sû]+tio̍h(4)
語法說明
後接該動作的描述，表示[動詞]+得。動詞讀變調、「著」讀本調。
例句
- 盤山過嶺行著真緊，
- 伊賰落來的日子過著有尊嚴無，
- 予人看著誠毋甘。
- 你講著真有理路。
065-06
[形容]+著5
[hîng-iông]+tio̍h(5)
語法說明
表示意外的語助詞，讀輕聲。
例句
- 好啊！溪水遮清氣著。
- 你哪會遮緊著
- 遐貴著，我買袂起
- 外口遐寒著，你哪會穿遮少。
066-01
那……那……
ná...ná...
語法說明
兩件以上的事情同時進行，即「一邊……一邊……」。也有「一面……一面……」’「沿若……沿若……」等用法。
例句
- 糜那煮那抐，
- 跤佇水裡那滒那蹔，
- 逐家那行那走那開講，
- 那哼歌那走轉去厝內。
- 我就和一个oo-jí-sáng那開講那等伊。
- 一面讀台文通訊，一面研究羅馬字，
- 阮就一面聽著溪水唱歌，一面慢慢仔行，
- 我佮阮阿兄是沿若歡喜沿若煩惱。
一下
067-01
[動詞]+--一下
[tōng-sû]--tsi̍t-ē
語法說明
接在動詞後面，表示短時間或大致進行該動作，讀輕讀。
例句
- 請入來坐一下。
- 去外口遐等一下！
- 椅桌的方向小可仔調整一下。
- 恁閣斟酌看一下。
- 咱就來共伊好好仔分析一下。
067-02
[動詞]+一下
[tōng-sû]+tsi̍t-ē
語法說明
接在動詞後面，帶出動作發生後的狀況，依變調規則讀。
例句
- 驚一下煞昏去
- 街仔踅一下有紲勢，都也毋捌聽過古坑咖啡；
- 謼，挵一下我有夠疼。
- 阿媽看一下起愛笑
好/歹/僫+[動詞]
068-01
好+[動詞]
hó+[tōng-sû]
語法說明
組合成為表示容易或具正面感受的形容詞。
例句
- 有山有海好𨑨迌，
- 披衫挵檨仔絞龍眼，趕狗掠賊攏好用
- 「好食、好睏、好放屎」，
- 做小頭的顛倒好撨、好摵欲挖的炭額；
- 咱的人生就敢若頭前這條坎坎坷坷的小路，無好行，
068-02
歹+[動詞]
pháinn+[tōng-sû]
語法說明
組合成為表示不容易或具負面感受的形容詞。
例句
- 這款厝邊真歹紡。
- 常在看著的是考題傷難冊歹讀，
- 一般旁觀者是真歹體會、替𪜶分擔痛苦。
- 錢歹趁，開錢愛儉。
- 愛等車幫，時間較歹按算。
- 可怕的是染著毒癮總是予人真歹戒除
068-03
僫+[動詞]
oh+[tōng-sû]
語法說明
表示不容易進行或耗時。
例句
- 這馬少年的，頭路實在真僫揣。
- 煮食就較僫熟，
- 雖然這个困難真僫解決，
- 致使正當的咖啡館僫生存，
- 足僫承擔這个意外的打擊
- 深山林內真闊、真僫揣人。
愈……愈……
069-01
愈……愈……
jú...jú...
語法說明
連接比較關係，表示愈……愈……。
例句
- 𪜶翁愈講愈興，
- 行到橋中央，橋愈搖愈厲害，
- 酒愈囥愈芳，病愈囥愈重。
- 囡仔愈吼愈大聲，
- 愈濟人做就愈有競爭，
069-02
愈來愈……
jú-lâi-jú...
語法說明
表示更加……。
例句
- 中秋過了，冷風愈來愈透，
- 咱少年的是愈來愈勇敢、有智慧
- 答案愈來愈清楚。
- 愈來愈毋是款。
- 予身體愈來愈勇健。
嘛
070-01
嘛1
mā(1)
語法說明
也、同樣、而且，表示條件或情況並列。
例句
- 有醫生、有警察，有老師、嘛有學生，
- 伊講遐無加油站，嘛無民宿，
- 風颱天，風大雨嘛大，閣有塗石流，
- 伊毋但有台文才情，嘛有華文才情呢！
- 痟媽祖，嘛愛捌媽祖魚！
- 學長阿冬考著大學，後來阿芬嘛考著，
070-02
嘛2
mā(2)
語法說明
表示「即使、寧願……也……」。
例句
- 不而過，咱講人較頇顢嘛有一步取。
- 阿爸甘願唱歌，嘛無愛閣落舞池。
- 雞卵較密嘛有縫。
- 按怎看嘛袂厭𤺪；
- 毋管閣按怎驚惶嘛是會當一睏到天光。
- 免講一世人，閣予你兩世人，你嘛挖袂了。
070-03
嘛3
mā(3)
語法說明
表達不滿、不耐煩、妥協等語氣。
例句
- 你嘛較正經咧，
- 嘛較差不多咧，
- 恁家己嘛應該去照鏡，看恁讀的系敢有影較有路用？
- 你嘛『幫幫忙』，
- 工課無嫌硬篤，月給袂計較，請伊來試看覓嘛好。
也/抑
071-01
（也）……也……
(iā)...iā...
語法說明
連結前後兩個性質相近的謂語。
例句
- 也欲做禮數，也欲做桌布。
- 按算有牢也好，無牢也好；
- 也欲熟似新老師新同學，也欲適應新環境，
- 三十捅仔，無食頭路，也無咧讀冊。
- 人講食魚食肉也著菜佮，
071-02
A抑（是）B
A ia̍h(-sī) B
語法說明
表選擇，即「A或者/還是B」。
例句
- 你講著抑是毋著。
- 興燒酒，抑是興塗豆？
- 毋知是查埔抑是查某？
- 看是欲娶某，抑是欲做事業，
- 猶閣有相片通看，好來證明是真的抑假的。
- 這種禮數毋是看物件的貴抑俗。
072-01
猶……
iáu...
語法說明
還……，表示仍舊、尚且。
例句
- 猶有人會記得，彼回烏山嶺地動，
- 我猶是有一點仔緊張。
- 彼个時陣，我猶閣袂曉羅馬字，
- 臺灣人猶算厚禮數。
- 猶不止仔好耍。
073-01
曷
a̍h
語法說明
又、哪，表示強調或反詰的語氣。
例句
- 就有四五个人倚過來，曷無熟無似，煞相爭欲共你搭油，
- 咱曷無英語殖民母國的強制資源，
- 有人講，彼羅馬字我曷袂曉讀、袂曉寫，
- 所以想袂曉因為欲鉸頭毛會哭甲欲死欲活，曷毋是袂閣發，
- 我曷知！伊講以前請無過，這馬欲請閣較䆀。
(抑若)無
074-01
（抑若）無1，
(iah-nā-)bô(1),
語法說明
不然、或者，後接前述條件的替代方案。會以「無、若無、抑無、抑若無」等形式出現。
例句
- 我欲哪會食會落飯？無，嘛著凊彩扒兩喙，
- 若按呢，無，今年租仔恁交八成就好。
- 喔，有影無？無，咱來去拍球，好無？
- 袂使無收。抑無，提一塊餅相請就好。
- 啊！今仔日歇睏，抑無來款料puān油飯！
074-02
（抑若）無2，
(iah-nā-)bô(2),
語法說明
不然、否則，後接不依照前述條件進行會導致的後果。會以「無、若無、抑無、抑若無」等形式出現。
例句
- 好佳哉，刀工猶原在，無，換別人穩去切著手。
- 毋通剖柴連砧剖，若無，是會害人不害己，害著家己死喔！
- 請即時即刻去揣心臟科醫師掛急診！若無，會出代誌！
- 先來豬砧買後腿肉，抑無會買無，
- 橫直你家己愛細膩啦，抑若無你會比我閣較早做仙喔！
075-01
[形容詞]+仔+[動詞]
[hîng-iông-sû]+á+[tōng-sû]
語法說明
部分形容詞加「仔」轉副詞來修飾動詞，即「……地」進行某動作，用於相對消極的語境。
例句
- 坐落來恬恬仔等待。
- 濟歲人著愛好禮仔行，
- 輕可仔做，罔做議量，
- 而且是笑笑仔接受。
- 才慢慢仔行轉去厝內底。
- 只要戇戇仔食、就會戇戇仔大，
- 我會當安心仔共伊掛佇咧客廳矣！
076-01
有時……有時……
ū-sî...ū-sî...
語法說明
連結前後兩個事件，即「有時候……有時候……」。也可以用有時陣、有當時仔。
例句
- 地球有時陣夭壽寒、有時陣夭壽熱，
- 有時月圓圓，有時月若眉，
- 生理有時好、有時䆀，
- 有時好著生理人，有時好著作穡人；
- 雖罔我的狀況有時好有時䆀
077-01
[動詞]+看/覓/看覓
[tōng-sû]+khuànn/māi/khuànn-māi
語法說明
表嘗試。有[動詞]+看、[動詞]+覓、[動詞]+看覓三種型式。
例句
- 現場閣試看會發動未。
- 敢有影？試看咧你就知。
- 咱來講覓。
- 講師叫阮逐家想看覓，
- 鮮閣鬆，食看覓就知，保證滿意
- 著閣來去病院檢查看覓。
078-01
按呢……
án-ne...
語法說明
代替前面的句子，即「這樣……」。
例句
- 換我對這爿行過去，按呢咱才會平安過橋，
- 好啊，按呢就麻煩你嘿！
- 你若講會清楚主體性，按呢就有「角色定位」的概念矣！
- 厝內閣無電火，按呢欲按怎讀書？
079-01
拄
tú
語法說明
表示後面接的事情剛發生，即「（才）剛……」。有拄、才、拄才、才拄四種型態。
例句
- 拄行入庄，遠遠就聽著狗仔咧吠的聲，
- 會記得國中二年拄開學無偌久，
- 聽醫生講白鼻拄出世無偌久就hông放捒，
- 你囡仔人拄欲大，身體愛顧予健，
- 拄講煞，就有十外个學生囡仔攑手，
才
080-01
（先）……才1……
(sing)...tsiah(1)...
語法說明
表示條件成立或事件發生有先後順序。
例句
- 老師著做好模範，才會當教人子弟，
- 欲𨑨迌寫了才去𨑨迌。
- 咱先來開講，等一下才食飯。
- 按呢先予你洗、揀好，賰的才交予我。
- 管待有欠用、無欠用，先踅才講，
- 食五工藥仔才閣來。
- 等候若熟才挖起來食。
080-02
[條件]+才2+[狀態]
[tiâu-kiānn]+tsiah(2)+[tsōng-thài]
語法說明
表示符合條件才發生後面的事件或狀態。
例句
- 一直耍甲暗暗暗才離開虎尾，
- 欲試食嘛愛較有站節咧才著啊！
- 按呢對母語文書寫運動才有具體的幫贊。
- 干焦到年兜，才會當食著魚肉，
- 這干焦阮遮才有，恁遐無。
080-03
才3+[條件]+就+[狀態]
tsiah(3)+[tiâu-kiānn]+tō+[tsōng-thài]
語法說明
在短時或少量的條件下，就發生後面的事件或狀態。
例句
- 才幾工無轉台北，就袂適應。
- 紅嬰仔才拄出世就去予無去！
- 才一睏仔囝，我人就袂艱苦矣！
080-04
才4
tsiah(4)
語法說明
表示只有……。
例句
- 聽講i--á嘛才四十捅歲niâ。
- 伊真儉！總共才這兩領siat-tsuh爾，
- 設使本錢才十六來算，會當賣到偌懸，
- 昨昏咧用的手鋸仔總長嘛才三十五公分，
080-05
才5……咧
tsiah(5)...leh
語法說明
表示強調的語氣。
例句
- 𪜶才毋願參我行做伙咧。
- 對一个細漢囡仔來講袂好玄才怪奇咧，
- 我才無愛騎咧！
090-01
是講……
sī-kóng...
語法說明
提起話題或語氣轉折。「講」要讀變調。
例句
- 頭家娘直直招我買，永遠都留一角仔欲貯甜路，我攑雙手贊同，是講，敢干焦是查某人？
- 像伊做出這種傷天害理的代誌，一定愛受著報應，袂當予伊逍遙佇法律之外。是講敢一定愛共伊判死刑？
- 其實，佇政府的「國家災害防救中心」濟少已經攏上網路予民眾參考。是講，有偌濟民眾來致意？目前的資訊敢有夠？
- 先佇網路Google有關你的消息，就大約仔知影你有幾兩重。是講現在人面冊的觀眾佮族群有這款的現象：文章傷長──貧惰看。
091-01
袂輸……
bē-su...
語法說明
好像、如同。
例句
- 彼當時，奶母袂輸共我當做大漢囡仔，
- 這號利便的代價袂輸是「刣頭生理」，
- 袂輸驚人聽袂著伊欲講的話；
- 袂輸嘛是對我講的。
- 特別是假日，公用電話頭前，排列的人袂輸長城。
- 袂輸佇鼎底咧炒塗豆遐鬧熱，
- 袂輸咧用文字佮影像練喙花、開party。
見若/見/串
092-01
見若……（就）
kiàn-nā...(tō)...
語法說明
只要……就……。
例句
- 閣較毋通見若不如意就欲共人反。
- 所以見若落一下仔雨，就走山、做大水，
- 見若暗時十點外就一直吹狗螺，
- 細漢時仔見若到五日節，這項工課攏會是我的份，
- 見若相拍一定拍到一爿倒落才會煞事，
092-02
見/串+[動詞]
kiàn/tshuàn+[tōng-sû]
語法說明
每次……都……。
例句
- 見講規布袋，實在予人㤉
- 伊的喙真聖，見講見對。
- 串講攏負面的，
- 伊串做攏彼款烏魯木齊的代誌
093-01
偌+[形容]+拄偌+[形容]
guā+[hîng-iông]+tú guā+[hîng-iông]
語法說明
加強形容詞的程度，後接表達不贊同的語句，即「多怎樣又多怎樣」。
例句
- 有人定定欣羨外國，講外國偌媠拄偌媠、偌好拄偌好，
- 講著偌俗拄偌俗，結果比人加貴百外箍。
- 阿三仔誠臭煬，不時講家己偌𠢕拄偌𠢕。
- 閣咧品𪜶囝功課偌好拄偌好矣。
094-01
……久
...kú
語法說明
表示時間的長度。
例句
- 相規晡久，毋知是啥物碗糕sô。
- 奮鬥到今四十幾冬久。
- 毋過過半點鐘久煞猶無任何警察來處理交繚。
- 燒淡薄仔退。一搭久，燒閣懸起來。
- 食差不多半點外鐘久，就趕緊離開。
- 著解說規晡久，𪜶猶若「鴨仔聽雷」，
095-01
來去……
lâi-khì...
語法說明
表示「去」，常合音為laih。主語為第一人稱，且會發生在未來。若主語為「咱」，則常有邀約、提議的意思。
例句
- 你考慮一下，我閣來去揣別戶講看覓咧。
- 來去溼一杯仔，我請。
- 後禮拜你生日，咱來去知本𨑨迌。
- 來去做顧問比做工較有意思。
- 若祖先祭拜煞，隔工咱來去竹仔湖踏草青，
- 查埔人行菜市嘛真飄撇。咱鬥陣來去。
096-01
毋才
m̄-tsiah
語法說明
即「才」，強調事件的結果或判斷。這裡的「毋」非表示否定。
例句
- 這款豆仔才四捻，毋才有人講是「四角豆」、「翼豆」，
- 你敲去佮阿進仔抑是阿興仔講，毋才著。
- 嘛毋予外口的狗仔傱入來園仔亂翸一場，毋才會遐費氣咧連鞭縛連鞭敨，
- 賰落來卯有著的實在嘛無幾个，所以毋才人人不時咧喝歹趁食，
- 久久啉一擺毋才好啉。
097-01
毋就
m̄ tō
語法說明
強調主觀意見的語氣。這裡的「毋」非表示否定。
例句
- 阮幾十冬的拍拚、開墾，毋就攏了白工？
- 抱心毋就表示無正常？
- 啊毋就好得佳哉有注疫苗，
- 毋就加衰的！
- 若去予扱著，毋就規領皮都剝起來？
098-01
[形容詞/狀態動詞]+死
[hîng-iông-sû/tsōng-thài tōng-sû]+--sí
語法說明
表示該形容詞或該狀態達到極致。
例句
- 活欲吵死，人都真愛睏，閣咧共人吵。
- 講甲遮聳勢！強欲予驚死，
- 頭大親像獅規粒攏貯屎的人真正凝死！
- 阿媽是活欲惱死。
- 這聲你真正卯死矣。
099-01
[動詞]+了了/了去/了了去
[tōng-sû]+liáu-liáu/liáu--khì/liáu-liáu--khì
語法說明
表示澈底或完全耗盡。
例句
- 一代親，兩代表，三代毋捌了了。
- 現金輸了了，支票閣提起來開
- 今，這聲害了了矣，萬二箍呢。
- 頭路咧欲hông賣了去矣，猶放外外，無要無緊，
- 伊去拄著金光黨，一寡錢攏予人騙了了去。
- 毋通連鞭發性地，才袂冤甲感情拍歹了了去。
100-01
[名詞]+--了了
[miâ-sû]+--liáu-liáu
語法說明
表示「全部都……」，帶有抱怨的意思。
例句
- 這个袂使，彼个毋通，全你的意見了了。
101-01
[動詞]+有/無法+得
[tōng-sû]+ū/bô-huat+--tit
語法說明
表示能/不能做到。現代口語中「得(--tit)」常省略。
例句
- 載遐爾濟菜，敢載有法？
- 伊的身材瘦閣兼薄板，敢搬有法？
- 真正讀無法的嘛無勉強，
- 這枝柱仔傷細枝，載無法得。
102-01
[動詞]+一下仔+[賓語]
[tōng-sû]+tsi̍t-ē-á+[pin-gí]
語法說明
表示短時或少量的動作，「仔」不可省略。
例句
- 好啦！予我先洗一下仔面。
- 干焦早起去抾一下仔字紙爾，
- 所以見若落一下仔雨，
- 會當享受一下仔清閒，免閣遐爾勞碌，
- 歇一下仔中晝，
103-01
哪/呔/盍……
ná/thài/khah...
語法說明
「怎麼……」，以反問表示強調的語氣。
例句
- 欲哪有可能送予別人咧？
- 𪜶的生活方式哪會遮怪奇？
- 像阮這款生食都無夠的人哪有法度提會出來，
- 穿游泳衫、游泳褲的呔遐濟，
- 欸，你毋是無女朋友？呔會共阿美仔騙啊！
- 是按怎下昏盍會恬恬咧，
- 彼陣盍遐爾仔戇，
104-01
……的時（陣）
...ê sî(-tsūn)
語法說明
在某個時間點，即「……的時候」。「的」不可省略。
例句
- 真少有兩个年級做伙上課的時陣。
- 落車的時陣天烏陰烏陰，
- 佇我受委屈的時陣安慰我；
- 大學二年的時我做副社長
- 等天氣較涼的時，咱會使來去遐𨑨迌。
- 細漢的時，我上愛綴阿母去踅菜市仔，
105-01
無啥（物）+[形容詞/動詞/名詞]
bô-siánn(-mih)/bô kài/bô guā+[hîng-iông-sû/tōng-sû]
語法說明
表示「不太、不怎麼、沒什麼……」。
例句
- 我跤手無啥振動，煞嘛忝甲欲害去。
- 正蕊無啥各樣，毋過發現倒蕊有問題，
- 可能兩床的品質會無啥一致。
- 阮古早的中秋，佮月娘無啥物關係，
- 免送禮物嘛無啥謝師宴
- 真濟科學研究基本的無啥實際用途
足/真/誠
106-01
足/真/誠+[形容詞]
tsiok/tsin/tsiânn+[hîng-iông-sû]
語法說明
程度副詞，即「很……」。
例句
- 外口的雨誠大，
- 阮兜誠散赤，
- 身體恢復了誠好，
- 阮爸仔真佮意伊，
- 所以大部分攏真散食。
- 逐个學生攏真骨力表現。
- 阿雪講甲足驚惶的。
- 實在足有價值啦！
106-02
加足/真/誠+[形容詞]
ke tsiok/tsin/tsiânn+[hîng-iông-sû]
語法說明
即「……得多」，表示程度提升很多。
例句
- 閣比進前加足有元氣！
- 北台灣空氣品質會「加足好」
- 水牛的身體比獵豹加真大，
- 彼个時代加真艱苦。
- 雙爿面攏有樹仔加誠鎮地；
- 這時，樹蔭加誠密，
107-01
替
thè
語法說明
替+對象+幫該對象做的事。
例句
- 有代書來講伊欲替阮辦，
- 一方面嘛開始替伊收拾厝內。
- 絕對無替𪜶廣告的嫌疑，
- Mac替我做工已經有四冬，
- 敢毋免替少年的小想一下。
共
108-01
共+[對象]+[動作]
kā+[tuì-siōng]+[tōng-tsok]
語法說明
把/將/對/向某對象執行某動作，對象有時可省略。
例句
- 人伊早就起來共早頓攢好勢矣。
- 刁工共遮的衫穿佇身上，
- 阿兄走過來共我扶，
- 趕緊共伊搝去邊仔，細聲共講：
- 雄雄硞一下一聲，停手共看，
- 好禮仔共伊招呼。
108-02
共（伊）……
kā(-i)...
語法說明
「共」後非實質的對象以「伊」表示，「共伊」可合音，合音時讀為kā且不變調。表示執行後接的動作，有時僅表示加強語氣、程度，沒有對象。
例句
- 就欲來共伊心適一下。
- 咱共想看覓，
- 你共看，佮正手有一寡精差。
- tshiah-tshiah共跳落去，
- 熱情的歌聲共唱予滿四界，
108-03
共我……
kā guá...
語法說明
語氣不好的命令句。「我」可換成其他指稱自己的用語。
例句
- 我心肝內想：啊好啊你，你共我等咧！
- 你共我會記咧！
- 你共我恬去！
- 你共恁爸講予伊清楚。
108-04
共……[動詞]+做……
kā...[tōng-sû]+tsò...
語法說明
把A轉換成B。
例句
- 將所有傳入的佛教經典攏共翻做漢語
- 有欲共山崙的一部份起做goo-lú-huh場的計畫，
- 有共患者發膿堅焦的疕磨做粉，
- 所以𪜶攏共烏頭殼仔看做家己的兄弟，
- 代先共秫米挨做米漿，
予
109-01
予1+[賓語]
hōo(1)+[pin-gí]
語法說明
「予」做動詞，表示「給予、交付」。
例句
- 予我力量
- 𪜶予我一个主任的職位，
- 向望我會當做一个予人溫暖的人！
- 阿母買枝仔冰，予我佮阮小弟食，
- 你共單、印仔佮寄金簿仔予我。我共你辦。
- 會予人無好的印象，
109-02
[動詞]+([名詞]+)予2+[名詞]+([動詞])
[tōng-sû]+([miâ-sû])+hōo(2)+[miâ-sû]+([tōng-sû])
語法說明
「予」做介詞，表示「給」，後接賓語。
例句
- V1O1予O2V2
- 你小坐一下，我捀茶予你啉，
- 閣炒一項青菜予我配。
- V1O1予O2
- 蕭先生，我開單仔予你，
- 我這陣就隨敲電話予阿進仔，
- V1予O2V2
- 小等咧才講予你知！
- 敢有暗崁啥好物無提出來煮予人客食的，
- V1予O2
- 就會做紅龜粿送予親情朋友。
- 小學學的尾仔攏還轉去予老師矣。
109-03
予3+[對象]+[動詞]
hōo(3)+[tuì-siōng]+[tōng-sû]
語法說明
表示使/讓/允許某對象做某事。
例句
- 予咱來欣賞。
- 這予我想袂曉，
- 實在予阮真欣羨。
- 予健康人去穢牛的痘，
- 予𪜶成做翁仔某。
- 呔攏無欲予阿爸知影咧！
- 稻仔割了後，通常攏是予田地歇睏，
109-04
予4+[對象]+[動詞]
hōo(4)+[tuì-siōng]+[tōng-sû]
語法說明
被動句，即被……。接「人」成為「予人」時，多以合音形式hōng, hông出現。
例句
- 竹仔林予風吹甲siù-siù叫，
- 有當時連眠床嘛攏予雨沃甲澹糊糊。
- 結果煞予阿雪看破跤手，
- 𪜶攏予阿竹仔驚驚著！
- 有人煩惱食，有人煩惱錢；有人煩惱好額會hông掠，
- 毋但學著語言，公孫仔感情嘛好甲hông欣羨。
- 阮老爸會𤆬我去親情兜去予人請，
- 伊共人算命準甲會予人驚著，
109-05
予5（伊）
hōo(5)(-i)
語法說明
使、讓，「予」後受事的對象以「伊」代表。「予伊」可合音，合音時讀為hōo且不變調。
例句
- 挽無著的，就放予柯，
- 好，會使得共衫仔穿予好，
- 機會來到面頭前的時，才有才調共掠予牢
- 食予飽睏予飽，伊著滿足；
- 熱情的歌聲共唱予滿四界，
- 食予死，毋通死無食！
- 身軀坐予正，手扞仔掠予在，
好/毋好
110-01
好+[動詞]
hó+[tōng-sû]
語法說明
表示「應該、可以……」。
例句
- 你蓋兩領被傷濟矣，毋才會按呢。一領好收起來矣。
- 講甲予你捌，喙鬚好拍結。
- 想講等兩點鐘就好通走囉。
- 好來去轉矣。
- 熱人到矣，電風好提出來矣。
110-02
毋好+[動詞]
m̄-hó+[tōng-sû]
語法說明
表示「別、不可以……」。
例句
- 愛注意毋好予臭焦，
- 感動是足可貴毋好放袂記得
- 醬菜毋好食傷濟
- 你毋好一日到暗拋拋走。
- 伊上愛膨風，你毋好予伊騙去。
通/毋通/無通
111-01
通+[動詞]
thang+[tōng-sû]
語法說明
表示「能夠、可以……」。
例句
- 這是較普通的鳥仔，四界攏有機會通翕著，
- 欲揣看有啥較奇巧的物件通食無？
- 好天的時嘛通看著台灣海峽佮太平洋，
- 規粒山無幾欉樹仔通遮日頭。
- 日時有代誌通無閒，暗時毋才睏會去。
111-02
毋通+[動詞]
m̄-thang+[tōng-sû]
語法說明
表示「不要、不可以……」。
例句
- 惹熊惹虎，毋通惹著刺查某。
- 買物先看品質，毋通干焦貪著俗，
- 咱毋通為反對來反對。
- 食予死，毋通死無食
- 會食得的物件，毋通討債。
111-03
無通+[動詞]
bô-thang+[tōng-sû]
語法說明
表示「不能、沒得……」。
例句
- 就是一人一塊硼砂餅，無通加一塊，
- 攏無通閘風，無通覕寒。
- 可惜的是小生理無通趁大錢，
- 毋過日本欲治理臺灣，嘛無通遮爾好食睏，
- 無通綴人出去遊山玩水。
