語法點檢索系統說明
一、本系統提供臺灣台語教學語法之語法點或句型，並附有簡單的語法說明，以及語料庫中的用法作為例句。
二、除了直接閱讀，亦可利用檢索系統查詢特定語法點。請先選擇以台語漢字或臺羅來查詢，並在檢索框當中輸入查詢值，點選「檢索」後，若資料庫的「語法點」或「gí-huat-tiám」欄位中有部分符合的字串，則將檢索結果列出。
三、若各語法點之間互有關聯，則合併為一組顯示，如肯定/否定用法的比較、趨向動詞、不同語法功能使用同一漢字等等。預設為展開全部內容，點選箭頭色塊可將該組收合。
四、除了台語語法詞，也可以輸入如詞性、賓語、補語等語法用語及語意角色，補充說明如下：
- 1. [賓語]：也稱受詞，是動詞的接受者，包含直接賓語和間接賓語。如：食「飯」、提「冊」予「阿明」。
- 2. [補語]：置於動詞之後表示動詞的結果、狀態、目的等。如：食「飽」、考「了」、提「起來」。
- 3. [程度副詞]：修飾動詞或形容詞的程度。如：足……、真……。
五、考量本項成果之符號使用較多，為求版面簡潔，語法點之臺羅僅標註教育部《臺灣閩南語常用詞辭典》之主音讀，又唸作、方言差皆不予呈現，請使用者自行查詢辭典。
顯示筆數
100 筆
編號
語法點
gí-huat-tiám
[動詞]+有/無
001-01
[動詞]+有/無
[tōng-sû]+ū/bô
語法說明
用於感官動詞，表示能/不能理解或分辨。
例句
- 大人的世界的代誌有的聽有，有的就聽無。
- 土地的聲嗽是愛的密碼，因為按呢𪜶才聽有，
- 若講看有，是看有日本時代蔡秋桐的台語小說？
- 有冊看無，你講怨嘆袂怨嘆！
- 真正予人捎無，𪜶到底是好額人抑是散赤人？
001-02
[動詞]+有/無+[賓語]
[tōng-sû]+ū/bô+([pin-gí])
語法說明
表示能/不能達成該動詞的目標。
例句
- 啥物心情攏揣有一首歌來合。
- 揣有幾个人真正去拄著魔神仔？
- 有囡仔佇身軀邊經跤經手欲哪做有工課
- 三百、五百，買無一隻鹹水鴨。
- 膨風水雞刣無肉，
- 性地一下起，通街糴無米。
加/減+[動詞]
002-01
加+[動詞]
ke+[tōng-sû]
語法說明
表示數量增加，即「多……」。
例句
- 加啉寡滾水。
- 咱愛加種樹仔來保護地球，
- 佇二月彼個月加算一工，叫做閏月，
- 閣加食一屑仔。
- 免加講，騙戇的，
- 若是政府加關心弱勢者，敢是閣較應該替這个失去聲音个人撨摵咧？
002-02
加+[副詞]
ke+[tōng-sû]
語法說明
表示程度增加，即「更加……」、「……得多」。
例句
- 按牛的遭遇想著台灣人嘛無加偌𠢕。
- 是三百六十五日閣加較臨仔六點鐘，
- 行起來感覺加真有安全感。
- 有一領本島褲通拭，加足利便。
- 母語若無好，欲共其他語言學予好，就加真食力。
- 閣比進前加足有元氣！
002-03
減+[動詞]
kiám+[tōng-sû]
語法說明
表示數量減少，即「少……」。
例句
- 閣有時仔像減跳一下，心臟袂輸欲停去的款式，
- 按呢就會使減行一大節路，
003-01
（雖然）……，毋過……
(sui-jiân)..., m̄-koh...
語法說明
表示語意轉折，即「不過、但是、可是」。
例句
- 雖然大水無情，毋過人間有愛，
- 𪜶講了雖然足有理，毋過並無受著多數民眾的採用。
- 雖罔我少年，毋過對台語教學真有心。
- 寫矣，毋過印仔猶未頓。
- 我嚨喉疼，毋過嗽攏無痰。
- 聽起來怪奇，毋過猶是留予逐家臆較趣味，
會/袂+使/當
004-01
會使
ē-sái
語法說明
表允許、可以。與表示能夠的「會當」有部分因語意重疊而通用。
例句
- 佗一个部位會使鼻著芳味？
- 敢有佗一支較推薦的？中階的就會使。
- 厝前彼條溝仔，魚仔真濟，用畚箕去張就會使得，
- 敢有人會使鬥相共？
- 注預防射確實會使真有效率來控制傳染病，
- 一工只要買一張車票，就會使公車坐免驚，
004-02
袂使
bē-sái
語法說明
表不允許、不可以。與表示不能夠的「袂當」有部分因語意重疊而通用。
例句
- 是按怎我袂使食果子？
- 語言是平等的，袂使有歧視。
- 二十外个家庭綴公司食飯，袂使害人無頭路。
- 火一定袂使予斷去，
- 行到這个地步矣，袂使嘛愛行！
- 佇台東允工課敢袂使？
004-03
會當
ē-tàng
語法說明
表示能夠……。與表示允許的「會使」有部分因語意重疊而通用。
例句
- 敢會當共你借鉸刀？
- 靠伊皮厚，拄著仔予咬一喙猶會當忍受，
- 騎欲五萬五千公里矣，會當踅地球一輾啊！
- 按呢安排是毋是上妥當，應該會當閣討論。
- 希望字幕會當全台語，下爿用華語輔助翻譯
004-04
袂當
bē-tàng
語法說明
表示不能夠……。與表示不允許的「袂使」有部分因語意重疊而通用。
例句
- 作穡人真辛苦咧種田，所以咱袂當討債食物。
- 啊我共關機了後，煞攏袂當閣開矣。
- 袂當拄著困難就放棄，
- 總是傳統毋是袂當改，
- 伊的青春袂當予人耽誤；
佮(連接詞/介詞)
005-01
佮1
kah(1)
語法說明
連接詞，連結前後兩個主題或主語，即「和、與」。
例句
- 阮兜有阿公、阿媽、阿爸、阿母、兩个小弟佮我。
- 日語佮英語是看電視學的，
- 閣予𪜶會當唱歌佮跳舞；
- 人佮動物嘛是仝款，互相尊重，和平鬥陣，
- 嘛仝款有人的情感、溫度佮歷史。
- 環保佮經濟，敢真正就無法度做伙做？
005-02
佮2
kah(2)
語法說明
介詞，後面接賓語和行為，表示和、與、跟。
例句
- 啥物果子的色水佮伊仝款？
- 𫝛時嘛佮世界斷線，無通佮世界連接拚經濟，
- 原來彼時是農業社會，各个節日攏佮神明有關係。
- 阮古早的中秋，佮月娘無啥物關係，
- 有人透過人面冊想欲佮你做朋友，
006-01
……矣。
...ah.
語法說明
表示動作或狀態已發生或完成。
例句
- 你踏著我的跤矣！
- 今年的中秋節也過去矣，
- 做穡收成的，生食都無夠矣，
- 小學三年進前應該會曉五種話矣。
- 車駛甲無油矣欲按怎？
008-01
愛/著/著愛
ài/tio̍h/tio̍h-ài
語法說明
表必須、要求、期望。
例句
- 【愛】
- 工課愛做雙份，才會當換一頓飽，
- 咱人愛隨時替家己增加價值，把握逐種學習的機會。
- 落南上北的朋友愛注意天氣差異
- 逐家愛有自信，相信家己，
- 【著】
- 總是這干焦是求一个心安爾爾；現實的生活嘛是著過。
- 又閣著開刀？
- 有當時仔閣著食番薯簽配鹽，
- 後來嫁予風流飄撇的大兄，煞著佮人公家翁婿。
- 做人著認份，有代誌，照理來議論，
- 【著愛】
- 有病著愛醫，
- 逐年若到這个囡仔的忌日彼工，著愛攢物件來共拜，
- 咱想欲予人看會起，著愛先尊存家己的語言。
- 做人欲生活，
- 著愛靠做、拚、反、變，才趁有食，
009-01
[動詞]+[補語]
[tōng-sû]+[póo-gí]
語法說明
表示該動詞產生的結果。
例句
- 教歹囡仔大細。
- 早頓著食好，中晝頓著食飽，
- 選舉支票烏白開，選牢了無想欲兌現，
- 步道一路慢慢仔𬦰懸，
- 電火球仔嘛趕緊共開開。
010-01
[動詞]+[賓語]+[補語]
[tōng-sû]+[pin-gí]+[póo-gí]
語法說明
表示該動賓詞組產生的結果。
例句
- 到食飯飽的下晡時，𪜶叫阮愛認真看中國匪區的烏白相片，
012-01
是
sī
語法說明
即「是」。否定用「毋是」。
例句
- 台灣人欠缺這款警覺，這是真危險的代誌。
- 拄好自三年開始到小學畢業，我攏是班裡的第一名。
- 按呢一个人的價值是啥物？
- 今年是二空一九年
- 這應該是老師的責任。
013-01
……是……，（毋過）……
...sī..., (m̄-koh)...
語法說明
雖然……但是……
例句
- 好是好，做起來才知無簡單，
- 伊好額是好額，一日到暗攏破病倒佇眠床頂
- 雞胘好食是好食，毋過全全筋，阮老歲仔敢哺會lueh。
014-01
……的……
...ê...
語法說明
表示所有格、修飾語，「的」後面的成分可以省略。
例句
- 我的車斡來踅去，
- 你的喙猶未開，我就看著你的嚨喉空矣！
- 伊的英語名是啥物？
- 彼幾日，阿爸的心嘛真沉重，
- 阮兜兩台咧，一台阮爸爸咧用，一台阮哥哥的，
- 別人免數想，台灣是咱的。
- 台語是咱寶貴的文化資產，是足媠的語言。
- 就是欲等伊跳出來，通翕伊古錐的身影。
- 嘛有看著足撆紮的制服。
- 一間足大間的五金行
- 心適的紙牌仔魔術
阮/咱
015-01
阮1
guán/gún(1)
語法說明
第一人稱複數代名詞，不包含聽話者。
例句
- 老師有問阮上佮意啥物動物喔！
- 阮一陣人綴老師的跤步，聽精彩的導覽，
- 伊閣予阮一人一本印尼冊，叫阮有閒著愛加減仔背語詞。
- 這幾年來，阮一陣愛好台語的有志，閣是開喙合喙攏台語，
015-02
阮2
guán/gún(2)
語法說明
第一人稱單、複數所有格，不包含聽話者，且限於關係、團體。
例句
- 阮阿母是前鎮加工區的第一批的女工。
- 會記得阮老師捌講過一个真實的故事，
- 阮兜佇紐約。
- 租金阮公司補助一萬五千提高到兩萬。
- 叫出來的鳥仔聲袂輸阮學校合唱團，有夠好聽；
- 阮厝有三隻狗仔，兩烏一白，兩母一公，
- 無佮伊仝班了，我的成績開始提阮班的第一名。
015-03
阮3
guán/gún(3)
語法說明
第一人稱單數代名詞。
例句
- 雄雄一陣西北雨，將阮沃甲澹糊糊
- 既然咱是「忘年之交」，阮會尊重你的厚性地。
- 阮是聽甲面仔紅紅，頭犁犁，實在感覺真歹勢。
- 阿母牽阮的手，用指指指電腦內底彼个咧講話的查埔人，
015-04
咱1
lán(1)
語法說明
第一人稱複數代名詞，包含聽話者。
例句
- 咱來激頭殼想看覓
- 咱的古蹟就是咱的歷史
- 你出題，咱閣來拚一擺。
- 台灣是美麗的寶島，是咱上愛的、永遠的家鄉！
- 咱來去對面彼間店仔買。
- 咱轉來去，好無？
015-05
咱2
lán(2)
語法說明
第一人稱複數所有格，包含聽話者，且限於關係、團體。
例句
- 你敢知影咱學校有種啥物植物？
- 𪜶欲來看咱學校。
- 是按怎是毋？彼敢咱兜的鐵門聲？
- 咱身軀邊有無人顧的老大人
015-06
咱3
lán(3)
語法說明
第二人稱單、複數代名詞，常用於詢問。
例句
- 明德仔問：「咱遮敢是欲倩顧問？」
這/彼/這/彼
016-01
這/彼
tse/he
語法說明
近/遠指指示代詞，即「這（個）、那（個）」。
例句
- 恁臆看覓這是啥物？
- 絕對愛處理的是這。
- 啊這欲按怎治療？
- 若是干焦講佮聽，彼是絕對無夠的。
- 伊𤆬阮去伊的菜園仔挽菜，彼白菜生甲若茄茉咧，有夠大欉！
- 彼到底是佗位？
- 彼彼彼你無法度啦。
016-02
這～/彼～
tsit~/hit~
語法說明
近/遠指指示詞，接名詞、量詞或數量詞，即「這、那」。
例句
- 啥物時陣會講這句話？
- 我會提起這項代誌，毋是為著展風神，
- 這个動作有啥物意涵？
- 彼幾日，阿母逐工看新聞、流目屎，
- 高中出業彼一年，
- 彼个洞內面有一尾龍？
- 相爭欲食彼枝冰。
佗
017-01
佗……
tó……
語法說明
疑問代詞，接「位」、「幾」及數量，即「哪……」。
例句
- 龜佮兔欲去佗位耍？
- 請問，你蹛佇佗位？
- 看欲讀佗幾本，揀揀咧
- 佮這幾句感恩有關的俗語，毋知閣有佗幾句？
- 後擺毋知會輪著佗一隻水牛。
- 「頭家娘，佗一款秫米較𩚨？」
- 啊月上圓的時陣是佇佗一工？
- 自細漢阮問伊彼兩字是佗兩字，伊就是足神祕，
- 身騎白馬過三關，到底是佗三關？
017-02
佗
toh
語法說明
疑問代詞，即「哪裡」。
例句
- 精神專注佇佗？
- 食晝的時，伊才問講：等咧欲去佗？
- 月初的月出現佇佗，啥物形的，
- 想到佗閣放到佗，
- 網路恐嚇是對佗查！
佇/踮
018-01
佇+所在/時間
tī+[sóo-tsāi/sî-kan]
語法說明
在某某地點/時間。
例句
- 佇臺灣超過一百五十冬歷史。
- 是佇臺灣大學的附近，是無？
- 毋是，是佇火車頭的對面。
- 伊佇一九九一年出世
- 頂擺出現是佇七冬前喔！
- 啊月上圓的時陣是佇佗一工？
- 佇某一擺開講的時，
018-02
踮+所在
tiàm+[sóo-tsāi]
語法說明
在某某位置。
例句
- 徛踮遮，莫振動
- 踮門後不時圇頭探看覓，
- 我親像彼隻跍踮山腰的鶯歌鳥
- 干焦阿豬佮阿兄、阿姊踮厝內
- 踮台北附近，
日期/星期/公元年
019-01
日期講法
ji̍t-kî kóng-huat
語法說明
○月初○、○月○○→1~10日用「初○」，11日以後只講數字，都不接「日」或「號」。
例句
- 五月初五
- 今仔日是一百空八年七月初九
- 今仔日是舊曆正月十五
- 今仔日是六月十九，拜一
- 經過欲兩個月，佇八月十一進前到甲五千人的連署坎站。
- 今年六月二十四彼工是我人生足重要的日子
019-02
禮拜講法
lé-pài kóng-huat
語法說明
週一到週六為「（禮）拜一」到「（禮）拜六」，週日為「禮拜（日）」。
例句
- 阿公，拜六阮學校有運動會呢！
- 有一个禮拜六，世昌無車逝，想欲出去趖趖咧！
- 今仔日是十二月十四，禮拜
- 今仔日是六月十九，拜一
- 今仔日是三月初一，拜五
019-03
公元年講法
kong-guân-nî kóng-huat
語法說明
1000年以前以數數字的方法讀，1001以後以數字的文讀音讀，0多讀為khòng；4位數之第2個數字讀本調。（教會則全部用數數字的方法讀）
例句
- 今仔日是一百空八年七月初九
- 一九九九年發生九二一地動
- 甲午戰爭是發生佇一八九五年
- 「台灣漫感」是伊經過十冬了後轉來台灣（一九三一年，昭和六年）
- 比論二空一一年，冰島的公民反對「用稅金還國債」，
- 蔣渭水高速公路佇兩千空六年中通車，
020-01
數字讀法
sòo-jī tha̍k-huat
語法說明
101→一百空一tsi̍t-pah khòng it
110→百一pah-it
111→一百十一tsi̍t-pah tsa̍p-it
230→二仔三jī-á-sann、兩百三十 nn̄g-pah-sann-tsa̍p、兩百三nn̄g-pah-sann
231→兩百三十一nn̄g-pah sann-tsa̍p-it
1、2依位置各有異讀，3開始為白讀，7只有一讀。
例句
- 攏總有一百空五个人報名。
- 逐家康健食百二！
- 量約百六公分的瘦伯仔，上捷出現的所在是北區佮中西區彼箍圍仔的街頭。
- 好，無，予我一箍的百五、五箍的三仔五、
- 電錢兩個月四百三十六箍
- 攏總四百六十八箍，找你三十二箍
- 來賓五百六十九號請來三號櫃台辦理
021-01
電話號碼佮專有名詞
tiān-uē hô-bé kah tsuan-iú bîng-sû
語法說明
變調組從起始處以2碼或3碼為一組，4碼則拆為各2碼，例如：09#12#-345#-678#、02#77#40#78#90#
#前的數字讀本調。0多讀為khòng，其他都使用文讀音。
例句
- 我的手機仔是空九六空七五七三八四
- 阮兜的電話號碼是空四 四九六二九八四
- 阮兜的電話號碼是空三 九二九一七三一
- 阮兜的電話號碼是空六 三二九五一八二
022-01
[動詞]+會/袂+[補語]
[tông-sū]+ē/bē+[póo-gí]
語法說明
表示能夠/無法實現。
例句
- 日時有代誌通無閒，暗時毋才睏會去。
- 你的生理免驚曷做會落去。
- 𪜶所趁的月給佇臺北敢𨑨迌會起？
- 有的名姓愛查字典才讀會出來，
- 旋佇樹絡的豆莢濟甲食袂去，
- 若做一睏食傷濟，代謝袂去，
- 伊枵甲跤痠手軟行袂振動，
- 毋是少子化，就放予囡仔妖魔化管袂行。
- 彼个時代咖啡真貴，一般人啉袂起，
- 親像長流水按呢滴袂煞，
無/袂/未/毋/免/莫(否定詞)
023-01
無
bô
語法說明
表示對存在、狀態和動作的否定，和「有」相反。
例句
- 健康大漢無煩惱。
- 俗物，無好貨。
- 失禮，伊這馬無佇咧。
- 唯一無變的是彼粒堅決的初心。
- 草地人無需要遮的。
- 雖然口音無相仝，毋過，攏聽有𪜶咧講啥。
- 我想，定著有誠濟人會為著按呢，真無安全感。
023-02
袂
bē
語法說明
對事件可能性或現象的否定，和「會」相反。
例句
- 新郎是按怎袂認得丸仔𪜶一家伙仔？
- 會吠的狗，袂咬人。
- 就是袂團結的緣故。
- 拍電動電錢嘛無傷重，袂造成負擔。
- 免沃肥閣袂著蟲，𠢕大閣臭賤，
- 細膩袂蝕本，荷包愛縖予絚！
023-03
（猶）未
(iáu-)buē
語法說明
沒……，表示還沒發生。
例句
- 睏猶未飽，阿母就叫我起床，
- 逐冬，攏有學生猶未滿二十，
- 阮先按下閣猶未解決的案件，
- 未做娘先做𡢃。
- 喙未擘開、嚨喉滴仔就看現現。
- 逐工雞未啼狗未吠的時，阿媽就會起來煮早頓予我食。\
023-04
毋
m̄
語法說明
與意念有關的否定。（但有以下例外：毋捌、毋著、毋是、毋知、毋敢、毋肯、毋甘、毋好、毋甘願、毋通、毋值等用法則無關意念。）
例句
- 欲做抑毋做全然佇人的一念之間。
- 伊毋信就講：「啊掃帚星就會落落來矣
- 天公伯仔若毋相伨，作穡人一頭擔雞雙頭啼，
- 是按怎有車毋開，欲選擇騎鐵馬去上班？
- 欲去烏影，毋去是吊鼎
023-05
（毋）免
(m̄-)bián
語法說明
接不需要執行的動作，即「不用、不必、不須」。
例句
- 日子會得過就好，毋免遐辛苦。
- 其他的代誌，你這馬毋免問，
- 敢講，咱逐家毋免好好考慮？
- 毋免加講話就知影愛按呢落做，
- 小可胃腸問題，免緊張啦！
- 無啥物，免客氣。
- 死就準煞，免管𪜶的死活啦！
- 啥物攏免想，啥物攏免驚
- 有錢的食鮸，無錢的免食
023-06
莫
mài
語法說明
表示禁止或勸阻，即「不要」。
例句
- 莫緊張，我的借你。
- 莫啦！莫啦！我是咧講笑的呢！
- 莫問！你會驚。
- 有一算一，莫想欲佮人比，
- 鼻仔捏咧莫喘氣，
024-01
[假設]
[ká-siat]
語法說明
假設用法，包含若、準、若準、準若、準講、若是、假使、假設、設使等等 ，表示「如果、若」。
例句
- 若想起咱臺灣，話就講袂完。
- 若準天氣毋是遐熱，我足想欲建議你騎自輪車去。
- 準若無蓋濟，看起來猶是會騙得人，
- 準講到時厝地真正若予人拍賣去，阮和欲蹛就無所在，
- 若是一般問題正常會跳入去後台的設定畫面
- 假使這是我日後欲行的路，我相信你會幫贊我，
- 設使伊有繼續讀，我敢猶會當成做第一名？
025-01
……--的
……--ê
語法說明
置於名詞、形容詞、動詞之後，省略其後的名詞，指稱具備該特徵的名詞。
例句
- 阿爸畫的到底是啥物？
- 閹豬的當做掠龍的。
- 是講上要緊的毋是彼，
- 較衰的煞去著著天然痘。
- 猶閣有一點，你上好乎去學煮食的。
- 阿貝恁爸是咧做啥物的？阮爸是做木的啦
- 先的，啊這欲按怎治療？
026-01
用+[動詞]+--的
iōng+[tōng-sû]+--ê
語法說明
藉著......方式。
例句
- 無相通看，用問的，
- 用哭的毋是辦法，
- 閣免本，用想的就會有。
- 差不多用爬的照原路控轉來公路頂，
- 仝款切予一塊一塊抨落鼎底用煠的，
咧
027-01
[動詞]--咧
[tōng-sû]--leh
語法說明
表動作持續進行，大致同華語[動詞]+著。
例句
- 棕蓑穿咧，家己的安全著斟酌。
- 籃仔囥咧，一个一个跔踮田裡。
- 跳起去共阿吉𢯾咧，
- 兩枝拐仔托咧，hap來到大門口，
027-02
[動詞1]+咧+[動詞2]
[tōng-sû (1)]+leh+[tōng-sû (2)]
語法說明
維持動詞1的狀態做動詞2的動作。
例句
- 無，就是勼咧睏，睏甲一圈肚比Becca較大！
- 攏會偷偷仔綴去覕咧看伊有佮別的查埔人講話無？
- 頭前有人向邊仔步道一直行，阮就綴咧行，
- 俊生接咧講：
- 伊紲咧講無仝國的語言，
027-03
（當）佇咧+[動詞]
(tng)-tī-teh+[tōng-sû]
語法說明
表示正在進行一項動作或持續一種狀態。「當」的作用為強調正在進行中，可省略；「佇咧」常有不同的合音形式。
例句
- [當咧] 捷運新莊線當咧施工，
- 今仔想欲共你講竹仔湖的紫陽花當咧開呢！
- 當咧煩惱袂煞的時陣，雄雄聽著氣象報告
- [佇咧] 如今我嘛看著阿母佇咧煮糜的背影，
- [咧] 燈咧爍，有無？
- 原來是咧拆裝潢！
- 海水靜靜仔咧流。
- 看袂出講伊到底是咧歡喜？抑是咧悲傷？
- 逐家愛唱歌，咧痟kha-la OK
028-01
較……咧
khah......--leh
語法說明
祈使句。「咧」是「一下」的合音。
例句
- 緊捾水來！較緊咧！
- 你有要緊無？較忍耐咧喔！
- 上好閃較邊仔咧，
- 欲試食嘛愛較有站節咧才著啊！
- 意思是講做人做事著較差不多咧，
- 明仔載你著愛較早來咧。
029-01
[動詞重疊]+--咧
[tōng-sû tîng-tha̍h]--leh
語法說明
短時貌，即進行的動作有快速、稍微等意思。
例句
- 謼！我是小等欲出門，趕欲先洗身軀洗洗咧，
- 欲講話愛先經過頭殼想想咧，將心比心。
- 上蓋讚的是跤手混沌的我，凊彩捋捋咧就會使出門囉！
- 需要去病院做復健治療，共頷頸搝搝咧。
- 用真扭掠的動作共囥佇路邊的回收物抾抾咧，
030-01
偌+[形容]+咧
guā+[hîng-iông]+--leh
語法說明
表達對該形容詞的強調。「偌」可用「gua̋-nī-á」及其他不同音變來增加強度。
例句
- 會當同齊出來𨑨迌，毋知偌好咧。
- 我才知影阮小弟偌𠢕咧！
- 自我紅紅幼幼晟到今，毋知有偌辛苦咧。
- 是偌爾仔歡喜你敢知影，
- 伊一个孤單老人毋知欲偌爾仔寂寞咧？
- 臭臊phi̍h-phā，gua̋ 䆀味咧。
欲
031-01
欲1
beh(1)
語法說明
表意願的「要」，動詞。
例句
- 同學攏有所費通好買四秀仔，我嘛欲！
- 哭欲一台細台的跤踏車。
- 這款子弟現此時是窒倒街，你敢欲！
- 看欲啥物型就用啥物貯，
- 欲啥步，「酒、色、財、氣」空，
031-02
欲2+[動詞]
beh(2)+[tōng-sû]
語法說明
表示意願的「要」，助動詞。
例句
- 伊想欲共阿兄講啥物？
- 我欲報名。
- 我欲買一斤。
- 你欲揣啥物人？
- 莫想欲佮人比，
- 有人想欲約你食飯，
031-03
（咧）欲3
(teh-)beh(3)
語法說明
表將要、快要、接近。
例句
- 欲遲到矣！
- 煞嘛忝甲欲害去。
- 知影家己欲生矣，
- 敢若小可有欲變歹天的款。
- 台中市咧欲成做台灣第二大城市
- 咧欲袂赴讀冊矣呢，猶毋起來。
- 開往臺中的列車，佇第一月台咧欲開矣
- 睏甲咧欲落眠的時陣，
- 對宜蘭盤過欲半个臺灣，來到高雄，
- 我提早欲半點鐘到現場，
- 嘛騎欲五萬五千公里矣，
- 閣三十五欲四十的年歲，體力加誠無，
- 閣共訂兩套欲倚色的大紅，
031-04
（若）欲4
beh(4)
語法說明
表示若是、若要、該有等假設的語氣。
例句
- 欲我，早就佮伊變面矣。
- 茶欲好啉著第二泡。
- 欲好龜𬦰壁，欲敗水崩山。
- 總是高雄若欲成做閣較理想的工場地區，
- 毋過若欲收成較濟閣多利，
031-05
欲5
beh(5)
語法說明
加在疑問詞前以加強語氣。
例句
- 事業欲呔會放心放予𪜶去扞？
- 無掖種欲哪會當向望收成。
- 像你按呢儉死錢，是欲按怎會好額？
- 欲哪靜會落心來讀冊呢？
- 若出喙就講別人的話，欲哪有家己的文化？
就
032-01
就1
tō(1)
語法說明
連接詞，表示前後句有承接、選擇、讓步等關係。
例句
- 有生就有死。
- 干焦想著就予人流喙瀾。
- 搬來了就開始做生理，
- 「這款，毛直直洗了就虯去。
- 逐工若是看著我，就足有精神的，
- 人若無病疼，人就清爽；
- 我若欲出門，伊就直直哀，
- 只要戇戇仔食、就會戇戇仔大，
- 逐工只要功課做完，就是我的自由時間，
- 只要有冊佮我做伴，我就永遠袂孤單。
032-02
就2
tō(2)
語法說明
副詞，表示立刻發生、確認肯定、早已存在、相對差異等語意。
例句
- 無啦，伊連鞭就出來啦。
- 誠緊就通轉換、理解Siraya語羅馬字系統，學習效率特別懸。
- 其實，對這種小所在，就會當看出政治人物投機的個性，
- 我幾年前就有一个想法，
- 日本時代進前台灣就有在來的咖啡樹，
- 另外一班就無遮好運，是查埔老師𤆬的，規班若像無人的仝款，
033-01
一下……（就）……
tsi̍t-ē...(tō)...
語法說明
表示兩個動作間的連續狀況，即「一……就……」。
例句
- 一下無張持，就著火去。
- 局勢一下變，兵敗親像水崩山。
- 一下無細膩，就會跋對溪仔底落去。
- 人一下死就逐項準煞矣。
- 𪜶知影欲按佗位拍死本土語言，一下拍就著。
- 干焦唚一下就有大紅包，
035-01
（[動詞]+）會曉
([tōng-sû]+)ē-hiáu
語法說明
表學習而來的能力。
例句
- 我共預測，小學三年進前應該會曉五種話矣。
- 一般攏是干焦會曉聽佮講，袂曉教囝讀寫母語，
- 無偌久就會曉騎矣。
- 請問，你會曉講台灣話袂？
- 毋過我大漢矣！愛學會曉用錢的鋩角，
- 親像我自細漢就學會曉
捌……過
036-01
捌……（過）
bat……(kuè)
語法說明
表示曾發生過。否定用「毋捌......（過）」。若加「過」又不接賓語時「過」讀輕讀。
例句
- 會記得阮老師捌講過一个真實的故事，
- 我毋捌看過阮媽媽，
- 阿雄毋捌作穡過，
- 你敢捌聽人講？
- 各位啊！夯到三十八度呢！從來毋捌遮爾懸。
- 問阿兄是啥物原因？伊從來毋捌直接回答我，
036-02
（有）……過
(ū)……kuè
語法說明
表示曾發生過。不接賓語時讀輕讀。否定用「無......過」。
例句
- 我教過的囡仔攏足愛我的台語課。
- 頭前有講過：
- 我自頭到尾至少有斟酌共讀過兩擺，
- 攏有學過一寡仔。
- 這種代誌我無經驗過。（教典）
038-01
敢……？
kám……?
語法說明
只有正反答案的疑問詞。
例句
- 毋知你敢有食過米芳？
- 這馬敢是秋天？
- 干焦買一項，敢袂傷少？
- 目前的資訊敢有夠？
- 敢按呢？
- 嘛早就成做異鄉矣，敢毋是？
039-01
……無？
......--bô?
語法說明
只有正反答案的疑問詞，置於句尾，輕讀。
例句
- 請問，張先生有佇咧無？
- 你講著無？
- 猶愛啥物無？
- 袂使閣按呢你知無？
- 三百箍予我，好無？
- 有人欲參加台語演講比賽無？
- 繼續拍拚活咧，看會有奇蹟出現無？
040-01
……未？
……buē?
語法說明
詢問是否已經發生的疑問詞。
例句
- 「你退休未？」
- 遐爾少年！結婚未？
- 阿花你佇內底創啥？你好矣未？
- 喝講：「來未？來未？」
- 恁查某囝食頭路未？(盧典)
會……袂？/有……無？
041-01
會（曉/使/當/用得……）……袂？
ē(-hiáu/-sái/-tàng/-īng-tit...)...--bē?
語法說明
1.對能力、實現或可能發生與否的疑問句型。
2.當用於對狀態的疑問，發問者期待得到否定的答案。
例句
- 1.用行的兩點外鐘久毋知會到袂？
- 你會曉講台灣話袂？
- 會使簽名袂？
- 2.手續會足麻煩袂？
- 歹勢，我隨寫，會真無閒袂？
- 柑仔會酸袂？
041-02
有……無？
ū......--bô?
語法說明
1.確認狀態與事實的疑問句型。
2.當用於對狀態的疑問，發問者期待得到肯定的答案。
例句
- 1.你有印仔無？
- 請問王正光，王先生有佇咧無？
- 勞力你。恁遮有代收電火錢無？
- 2.按呢毋知有gió-toh無？
- 欲。你想五斤有夠無？
- 注意看心跳有順、有規律無？
- 菜有鹹無？(教典)
......毋？
042-01
......毋？1
......m̄?(1)
語法說明
正反問句疑問詞，「毋」讀輕聲。常與「......無？」混用。
例句
- 你緊來𤆬我去恁兜蹛，好毋？
- 是按怎是毋？彼敢咱兜的鐵門聲？
- 你敢若是頂日仔新來的，是毋？
- 你講按呢是毋？(教典)
042-02
......毋？2
......m̄?(2)
語法說明
表達反問的語助詞，讀本調。
例句
043-01
啥(物)
siánn(-mih)
語法說明
疑問詞或疑問代詞，表示「什麼」。
例句
- 啥物？台灣厚地動，可能會危險？
- 伊的英語名是啥物？
- 莫閣講這矣，阿爸，今欲準備啥物？
- 咱作山的，佮平洋離遐遠，啥物消息攏毋知。
- 𪜶所賣的毋是啥物人生道理，
- 啥！啥！你問阮欲食冰無？
044-01
啥人
siánn-lâng
語法說明
誰、什麼人，常合音讀為siáng, siâng，另有tsiâ的形式。
例句
- 「喔！是啥人遮爾好運？」
- 有啥人會知？
- 怪啥人，是你家己興。
- 恁臆這句話是siáng講的。
- 是siáng阻止台灣少年家轉大人？
- siáng上早𤆬頭反對文言文？
- 成tsiâ？
- 「歹瓜厚子」，tsiâ講的！
按怎
045-01
按怎......
án-tsuánn......
語法說明
詢問處置的疑問詞，即「怎麼、如何」。
例句
- 毋知伊是按怎變的，哪會遮厲害！
- 「這款菇按怎賣？」
- 魚佮肉欲按怎揀？
- 這馬按怎對我較好？就按怎做。
- 閣教我愛按怎加油，按怎弄予振動，
- 因為阿爸毋知按怎駛的，煞駛甲毋知路去。
- 毋管閣按怎驚惶嘛是會當一睏到天光。
045-02
按怎？
án-tsuánn?
語法說明
詢問狀況的疑問詞或疑問代詞，即「怎麼樣」。
例句
- 今，你考了按怎？
- 這遍風颱恁遮按怎？
- 恁某是按怎？
- 結果按怎？欲知傷慢矣，
- 恁公司待遇按怎？
- 咱下跤就隨來算看Hitler的功勞按怎？
046-01
是按怎
sī-án-tsuánn
語法說明
詢問原因、理由的疑問詞，即「為什麼」。
例句
- 是按怎伊無學著？
- 是按怎有車毋開，
- 問你是按怎欲伨伊，
- 是按怎會行到這款地步？
- 是按怎少年人和這基本人權都無？
047-01
欲按怎
beh-án-tsuánn
語法說明
詢問如何處理，即「怎麼辦」。
例句
- 車駛甲無油矣欲按怎？
- 行到這个地步矣，袂使嘛愛行！無，欲按怎？
- 田裡遐的粟仔佮番薯欲按怎？先去搶收，會當收偌濟算偌濟！
- 若有人跳出來叫我娶𪜶死去的阿姊，我欲按怎？
048-01
幾+[量詞]？
kuí+[liōng-sû]?
語法說明
表示特定數量的疑問代詞。
例句
- 大約仔知影你有幾兩重。
- 毋知閣會曉幾種語言？
- 按呢重覆來去，毋知影到第幾擺矣，
- 因為激腦的所在傷過濟，用號碼來號第幾間的腦寮，
- 有興趣聽的人，毋知猶賰幾个？
049-01
偌+[形容詞]
guā+[hîng-iông-sû]
語法說明
表示不特定數量或程度的疑問代詞。
例句
- 今我是咧偌老？
- 你洗面愛閣洗偌久？
- 啊，頭前毋知閣窒偌長？
- 是講，有偌濟民眾來致意？
- 有偌濟氣力做偌濟代誌，
050-01
--咧？
--leh?
語法說明
置於句尾表示疑問。
例句
- 欲哪有可能送予別人咧？
- 咱欲按怎做咧？
- 你彼隻烏貓咧？
- 敢毋是真利便咧？
- 我欲食炒飯，你咧？
051-01
因為......所以......
in-uī......sóo-í......
語法說明
表原因和結果，可省略其中之一，和華語用法相同。「所以」有「所致(sóo-tì)、所擺(sóo-pái)」等其他形式。
例句
- 因為我會泄尿，所以愛睏下舖，
- 因為我歕了袂䆀，所以就加入社團繼續練。
- 因為無通過台語檢定，無法度順利畢業。
- 拄好填著這个系，所以就入來的；
- 你的腸仔振動了無正常，所以時常想欲放屎，
052-01
有的......有的......
ū-ê......ū-ê......
語法說明
列舉不同情況，和華語用法相同。
例句
- 有的坐，有的徛，
- 有的真懸，有的較矮，
- 有的人支持，有的人看衰。
- 有的搬椅條，有的夯椅頭仔，
- 有的是換頭家，有的變相換營業。
053-01
傷（過）......
siunn(kuè)......
語法說明
過度，即「太......」，可接形容詞，也可接動詞。
例句
- 敢袂傷恐怖？
- 若傷𠕇就閣下寡水，
- 毋通傷過煩惱家己「無夠趣味」。
- 這敢毋是咱人傷過貪心？
- 囡仔人毋通傷作孽。（教典）
共
054-01
共+[對象]+[動作]
kā+[tuì-siōng]+[tōng-tsok]
語法說明
把/將/對/向某對象執行某動作，對象有時可省略。
例句
- 人伊早就起來共早頓攢好勢矣。
- 刁工共遮的衫穿佇身上，
- 阿兄走過來共我扶，
- 趕緊共伊搝去邊仔，細聲共講：
- 雄雄硞一下一聲，停手共看，
- 好禮仔共伊招呼。
- 毋是車就是人，強欲共路淹去，
- 共我搦屎搦尿，
- 阿母共阿婆仔鬥捻菜，
- 若欲送點心，我來共你捾。
054-02
共（伊）……
kā(-i)......
語法說明
「共」後非實質的對象以「伊」表示，「共伊」可合音，合音時讀為kā且不變調。表示執行後接的動作，有時僅表示加強語氣、程度，沒有對象。
例句
- 就欲來共伊心適一下。
- 咱就來共伊好好仔分析一下。
- 咱共想看覓，
- 你共看，佮正手有一寡精差。
- 機會來到面頭前的時，才有才調共掠予牢。
- tshiah-tshiah共跳落去，
- 熱情的歌聲共唱予滿四界，
054-03
共我……
kā guá......
語法說明
語氣不好的命令句。「我」可換成其他指稱自己的用語。
例句
- 我心肝內想：啊好啊你，你共我等咧！
- 你共我會記咧！(教典)
- 你共我恬去！(盧)
- 你共恁爸講予伊清楚。(教典)
054-04
共……[動詞]+做……
kā......[tōng-sû]+tsò......
語法說明
把A轉換成B。
例句
- 將所有傳入的佛教經典攏共翻做漢語
- 有欲共山崙的一部份起做goo-lú-huh場的計畫，
- 有共患者發膿堅焦的疕磨做粉，
- 所以𪜶攏共烏頭殼仔看做家己的兄弟，
- 代先共秫米挨做米漿，
形容詞重疊AA/AAA
056-01
形容詞重疊AA
hîng-iông-sû tîng-tha̍h AA
語法說明
單音節形容詞重疊，表示程度弱化。
例句
- 阮是聽甲面仔紅紅，頭犁犁，
- 穿予媠媠、等領薪水。
- 鼻仔佮喙邊有一屑仔白白，
- 雞仔喙尖尖，討食用喙啄，
- 糖仔甜粿攏甜甜，
056-02
形容詞三疊AAA
hîng-iông-sû sann-tha̍h AAA
語法說明
單音節形容詞三疊，表示程度最強。其中本調為第1、5、7、8調之第一個音節會讀為第9調。
例句
- 做伙食一頓燒燒燒、芳芳芳的飯，
- 白頭殼仔𪜶頭殼頂彼tshop毛白白白，
- 驚甲戇戇戇，
- 醒來地動停矣，天清清清。
- 毋過規欉生甲密密密，白雪雪，嘛誠有看頭。
- 嘛愛彼種較骨力、𠢕創新、仁仁仁的高手。
形容詞重疊AABB/ABAB/ABAC
057-01
形容詞重疊AABB
hîng-iông-sû tîng-tha̍h AABB
語法說明
有程度差別的雙音節形容詞AB重疊成AABB，表示程度強化。部分形容詞強化的形式是ABAC（落氣落觸）、 ACAB（囉哩囉嗦）、ABCB（腌臢死臢）。
例句
- 毋是凊凊彩彩就會予人拚過的。
- 予我平平安安，歡歡喜喜，
- 若開車毋但袂淋著雨閣會使聽音樂，輕輕鬆鬆，
- 彎彎斡斡的山路
- 這件代誌費氣費觸。
- 明明都足想欲食，閣假仙假觸講食袂落去。
- 阿英都無愛你矣，你猶閣綿死綿爛咧求伊，你哪會遮戇啦！
057-02
形容詞重疊ABAB
hîng-iông-sû tîng-tha̍h ABAB
語法說明
有程度差別的雙音節形容詞AB重疊成ABAB，表示程度弱化。重疊之間可加「仔」。
例句
- 猶規欉好勢好勢徛甲穩觸觸，
- 人生做瘦抽瘦抽，
- 阿母無意無意好禮仔共講：「今仔日有人客來，等相借問咧！」
- 幾仔萬年來，我是涼勢仔涼勢過日子
對+起點/目標/對象
058-01
對+[起點]……
tuì/uì+[khí-tiám]...
語法說明
後接處所、時間、狀態等範圍的起點或來源，表示「從……」。
例句
- [處所]
- 風颱是對佗位來
- 對東爿的山地來。
- 對宜蘭盤過欲半个臺灣，來到高雄，
- 用兩肢跤，對臺灣頭行到臺灣尾，
- 換我對這爿行過去，
- 閣親像水沖按呢，對頂懸摒落去厝後溝，
- 對頭頂到尻脊，
- [時間]
- 對八點半等到九點，主角攏無形影，
- 對初一開鬼門開始，
- 對二空一空年秋季到今，
- 對十二月下旬開始，逐工就攏有人咧清理厝內矣，
- 對這馬開始，我欲認真讀冊，
- [狀態]
- 正常人放屎大約是對一工三擺到一禮拜三擺，
- 對我紅紅嫩嫩𤆬到今遮大漢，
- [來源]
- 報紙雜誌、電視新聞、抑是對網路的資訊來的。
- 這个對五星級飯店來淡水開雞卵糕店的師傅，
- 的確是提著對美軍福利社來的咖啡粉。
- 咱對頂面的故事會當來思考一个問題：
058-02
對+[目標]……
tuì/uì+[bo̍k-piau]...
語法說明
後接處所，表示「到……」。
例句
- 金黃摻玉青的花海連對天的彼爿去，
- 溪水直直共文化捒對頭前去，
- 對這間安二十六塊窗仔的房間看對外口去，
- 陪美賢顧擔仔位的時，看對邊仔去，
- 流對厝角頭去，
058-03
對+[對象]……
tuì+[tuì-siōng]...
語法說明
介詞，接名詞，說明動作或情意的對象。
例句
- 我對伊是充滿好奇，
- 抑是對伊有啥不滿？
- 有我對老厝的感情，
- 對家己的主體性有所認同，
- 但是阿姊對小妹真疼痛，
不定數量
059-01
……捅+[量詞]
......thóng+[liōng-sû]
語法說明
加在十、百、千以上的倍數詞或時間整點之後，表示只超過一點點的概略數量。
例句
- 有挽著十捅莢較大的楊桃豆，
- 嘉義市四千四百捅人占第二，
- 這个oo-jí-sáng差不多七十捅歲，
- 這馬才五點捅仔爾爾，無著急走，
- 佇民國五十捅年的熱天，
059-02
……外+[量詞]
......guā+[liōng-sû]
語法說明
加在十、百、千以上的倍數詞或時間整點之後，表示超過一些的概略數量，即「……多」。比「捅(thóng)」多。
例句
- 雖然經過四十外年，
- 有兩千外公尺長，
- 二十外个家庭綴公司食飯，
- 十外冬來攏無變！
- 六十外歲致著糖尿病，
059-03
……幾+[量詞]
kuí+[liōng-sû]
語法說明
加在十、百、千以上的倍數詞之後，表示1到9的某個數量。
例句
- 十幾度的寒流天，
- 伊講，駛二十幾冬的車，
- 九十幾歲的老母，
- 會記得民國六十幾年，
059-04
成+[數量詞]
tsiânn+[sòo-liōng-sû]
語法說明
加在十、百、千以上的倍數詞或時間整點之前，表示接近的概略數量。
例句
- 成百人受感染，
- 成十冬來，研習內容多數是福當老師咧計畫，
- 干焦裝潢費磕著就愛成十萬，
- 看你遮有成十款，
- 比咱閣較早成千萬年來到遮，
- 睏到九點外成十點起床的人客準備的，
059-05
幾若+[數/量詞]
kuí-nā+[sòo/liōng-sû]
語法說明
後可接十、百、千以上的倍數詞或直接接量詞，表示不定多量。
例句
- 幾若工前就緊張甲睏袂去。
- 沿路參觀路邊幾若間的老建築，
- 未來一个少年的愛飼幾若个老人。
- 澎湖本身嘛有幾若種腔口。
- 價值幾若百萬箍的寶物，
059-06
幾+[(數)量詞]+仔……
kuí+[(sòo)liōng-sû]+á......
語法說明
中間為十、百、千以上的倍數詞或量詞，表示不定少量，可輕讀。
例句
- 千秋頭前閣有幾欉仔矮樹，
- 若是早幾年仔有社會單位介入來鬥相共，凡勢會當阻擋
- 毋信，我就舉幾个仔例，
- 共身軀頂幾滴仔水𫝺落去、欲來拍火。
- 學歷喔？啊就若ABC捌幾字仔就好。
攏/都
060-01
攏
lóng
語法說明
表示「 （全部）都......」。
例句
- 毋管大細莢時到攏看現現，
- 彼工，各庄頭攏愛辦牲醴來祭拜媽祖婆，
- 毋過，逐年攏有中秋，
- 都攏無顫悶著，
- 伊真𠢕讀冊，攏是班裡第一名。
- 連雞仔鴨仔嘛攏家己飼。
- 實在蓋無奈恁攏毋知，
060-02
都
to
語法說明
表示強調的語氣，語意包括就、又、更、全部、已經等等；表示全部的「攏(lóng)」華語也翻譯成「都」，但兩者意思不同。
例句
- 厝生食都無夠矣，欲哪有通賰咧做序細娶某的聘金，
- 查某囝，疼，都袂赴矣，欲哪有可能送予別人咧？
- 逐冬會搬演一擺，若無去看都會怨嘆喔！
- 阿姑一个面仔膨獅獅，氣甲一句話都毋知欲按怎應。
- 幾若个兵仔，阿琴一世人都袂放袂記得。
061-01
[動詞/形容詞]+到/甲……
[tōng-sû/hîng-iông-sû]+kah......
語法說明
動作或狀態達到某時地、程度或結果。「到」經常虛化成「甲」。有時會把補語省略，表程度高，此時「甲」雖在句末仍須讀變調。
例句
- 戊戌年行到年尾矣，
- 咱攏來倒退，退到溪岸頭，
- 笑甲吱吱叫；
- 阿美講甲流目屎。
- 喝甲大細聲，
- 彼當陣疼甲欲死，
- 我枵甲擋袂牢，
- 無聊的發明，三八囡仔也講甲歡喜甲，
比/較
062-01
A比B較......
A pí B khah......
語法說明
A、B兩者比較，「較」不可省略。「比」也可用「並(phīng)」。
例句
- 夯筆比夯鋤頭較重。
- 向望家己的囝會比人較𠢕，
- 佇初中的年紀，我猶比伊較矮，
- 有咧做總是比無咧做較好；
- 這款漚戲並三頓閣較捷
- 並你的咖啡應該袂較輸。
- 我自細漢文科一直攏並理科較強，
062-02
A較......B
A khah......B
語法說明
兩者比較，表示A比B更......。
例句
- 流汗較贏流鼻。
- 吹電風較輸吹自然風，
- 彼是甘蔗園密喌喌閣較懸人，
- 阿鵲聽了吐一个大氣，怨嘆人較毋值彼狗。
- 在生一粒豆，較贏死了拜豬頭。
- 一个某較好三个天公祖
062-03
較
khah......
語法說明
與一般狀況或現狀相比要更......。
例句
- 月餅的款式有較濟，
- 坐十一號仔有較遠啦，
- 各大學攏濟少有較現代化，
- 凊彩揣有較閘蔭的所在就共栽落去，
- 若欲較緊，著愛坐計程仔，有較貴；
予
063-01
予1+[賓語]
hōo(1)+[pin-gí]
語法說明
「予」做動詞，表示「給予、交付」。
例句
- 予我力量
- 𪜶予我一个主任的職位，
- 向望我會當做一个予人溫暖的人！
- 阿母買枝仔冰，予我佮阮小弟食，
- 你共單、印仔佮寄金簿仔予我。我共你辦。
- 會予人無好的印象，
063-02
[動詞]+([名詞]+)予2+[名詞]+([動詞])
[tōng-sû]+([miâ-sû])+hōo(2)+[miâ-sû]+([tōng-sû])
語法說明
「予」做介詞，表示「給」，後接賓語。
例句
- V1O1予O2V2
- 隔轉工早起阿婆仔煮糜、煎卵予阮食，
- 你小坐一下，我捀茶予你啉，
- 閣炒一項青菜予我配。
- V1O1予O2
- 蕭先生，我開單仔予你，
- 我這陣就隨敲電話予阿進仔，
- V1予O2V2
- 小等咧才講予你知！
- 寫四句聯套七字仔調的「狀元樓」，唱予恁聽，
- 揣看主人家敢有暗崁啥好物無提出來煮予人客食的，
- V1予O2
- 就會做紅龜粿送予親情朋友。
- 小學學的尾仔攏還轉去予老師矣。
063-03
予3+[對象]+[動詞]
hōo(3)+[tuì-siōng]+[tōng-sû]
語法說明
表示使/讓/允許某對象做某事。
例句
- 予咱來欣賞。
- 這予我想袂曉，
- 實在予阮真欣羨。
- 予健康人去穢牛的痘，
- 予𪜶成做翁仔某。
- 呔攏無欲予阿爸知影咧！
- 稻仔割了後，通常攏是予田地歇睏，
- 伊說服𪜶翁婿佮大家官，予伊去學校做義工。
063-04
予4+[對象]+[動詞]
hōo(4)+[tuì-siōng]+[tōng-sû]
語法說明
被動句，即被......。接「人」成為「予人」時，多以合音形式hōng, hông出現。
例句
- 竹仔林予風吹甲siù-siù叫，
- 有當時連眠床嘛攏予雨沃甲澹糊糊。
- 結果煞予阿雪看破跤手，
- 𪜶攏予阿竹仔驚驚著！
- 有人煩惱食，有人煩惱錢；有人煩惱好額會hông掠，
- 毋但學著語言，公孫仔感情嘛好甲hông欣羨。
- 阮老爸會𤆬我去親情兜去予人請，
- 伊共人算命準甲會予人驚著，
063-05
予5（伊）
hōo(5)(-i)
語法說明
使、讓，「予」後受事的對象以「伊」代表。「予伊」可合音，合音時讀為hōo且不變調。
例句
- 挽無著的，就放予柯，
- 好，會使得共衫仔穿予好，
- 機會來到面頭前的時，才有才調共掠予牢
- 食予飽睏予飽，伊著滿足；
- 熱情的歌聲共唱予滿四界，
- 食予死，毋通死無食！
- 身軀坐予正，手扞仔掠予在，
- 好的抾khit來囥，䆀的放予袂記得，
閣(5種)
064-01
……（又）閣1……
...(iū-)koh(1).....
語法說明
兼具前後兩種條件。
例句
- 有影看起來媠閣合軀。
- 免沃肥閣袂著蟲，
- 𠢕大閣臭賤，
- 喙焦閣腹肚枵，毋敢開喙，
- 班裡有一个媠媠閣有氣質的查某同學做伙讀冊。
064-02
閣2（再）……
koh(2)(-tsài)...
語法說明
又、再，表示再次或持續發生。
例句
- 我閣用指頭仔敲第二改，
- 應當是會繼續予這个問題閣再拖落去。
- 又閣著開刀？
- 叫伊莫閣齧矣。白蟻真正即時恬去，
- 載出，無閣載入
- 後擺愛提全票悠遊卡拍，袂當閣再用學生卡。
064-03
……，閣3……
..., koh(3)...
語法說明
還、而且，表示強調後面的狀態。
例句
- 毋但參加活動，閣不時捐款。
- 民宿的頭家提供食佮蹛，閣𤆬人客𨑨迌。
- 伊那看那愛笑，閣毋敢笑出聲，
- 開車較省時間，閣免曝日、搧風、淋雨，
- 斷層濟，閣加上長期抽地下水造成土地陷落；
064-04
閣4……
koh(4)...
語法說明
表示出乎意料的「還......」。
例句
- 彼陣全世界閣袂少國家來參訪，
- 閣真正像伊講的按呢，滿天的飛蜂hōng-hōng叫，
- 偏偏阮兜就有這款戇人，閣毋但一个喔！
- 感覺伊點出來的「媠」閣不止仔有道理。
- 閣袂少少年家、阿啄仔嘛來看，
064-05
……閣5
...koh(5)
語法說明
閣後的話語省略，表達強調的語氣，且「閣」讀變調。
例句
- 抑是消毒處理無好勢，致使囡仔、大人一條命煞保袂牢閣。
- 你都毋是柴頭閣，是按怎攏毋知影伊咧想啥？
- 我都無咧戇閣，哪有可能遐簡單就予伊騙去。
著
065-01
著1
tio̍h(1)
語法說明
動詞，表示正確、得到、輪到。
例句
- [正確]今年過年的天氣嘛會仝款真好才著！
- 著就是著，毋著就是毋著，事實囥踮面前，
- [得到]二空一六全國特殊優良教師著獎感言
- 免沃肥閣袂著蟲，
- [輪到]著你洗碗矣。
065-03
[動詞]+著2
[tōng-sû]+tio̍h(2)
語法說明
後接賓語，表示[動詞]+到。不接賓語時動詞讀本調、「著」輕讀。
例句
- 我驚伊鋸著家己，
- 袂去礙著我的工課。
- 誠濟國家拄著亢旱的苦楚，
- 滑一下摔一倒，鑢著面，摖破鼻，
- 阮班的同學攏驚會予伊𪐞著，
- 排半點外鐘才排著。
065-04
[動詞]+著3
[tōng-sû]+tio̍h(3)
語法說明
後接該動作引發的感受，表示[動詞]+起來。動詞讀變調、「著」讀本調。
例句
- 你敢知影？食著會紲喙。
- 抑是彼款會當趕蠓的電子晶片，用著嘛誠好勢
- 溪水浸著有夠爽，你哪會遐慢。
- 粿皮頂印「雙喜」，看著誠有喜氣款。
- 吊橋行著會㽎。
- 這號話聽著真礙虐。
065-05
[動詞]+著4
[tōng-sû]+tio̍h(4)
語法說明
後接該動作的描述，表示[動詞]+得。動詞讀變調、「著」讀本調。
例句
- 盤山過嶺行著真緊，
- 伊賰落來的日子過著有尊嚴無，
- 予人看著誠毋甘。
- 物件㧒甲規四界攏毋整理，看著真袂爽。
- 你講著真有理路。
065-06
[形容]+著5
[hîng-iông]+tio̍h(5)
語法說明
表示意外的語助詞，讀輕聲。
例句
- 好啊！溪水遮清氣著。
- 你哪會遮緊著
- 遐貴著，我買袂起
- 外口遐寒著，你哪會穿遮少。
066-01
那……那……
ná...ná...
語法說明
兩件以上的事情同時進行，即「一邊……一邊……」。也有「一面……一面……」’「沿若……沿若……」等用法。
例句
- 糜那煮那抐，
- 跤佇水裡那滒那蹔，
- 逐家那行那走那開講，
- 那哼歌那走轉去厝內。
- 我就和一个oo-jí-sáng那開講那等伊。
- 一面讀台文通訊，一面研究羅馬字，
- 阮就一面聽著溪水唱歌，一面慢慢仔行，
- 我佮阮阿兄是沿若歡喜沿若煩惱。
一下
067-01
[動詞]+--一下
[tōng-sû]--tsi̍t-ē
語法說明
接在動詞後面，表示短時間或大致進行該動作，讀輕讀。
例句
- 請入來坐一下。
- 去外口遐等一下！
- 椅桌的方向小可仔調整一下。
- 恁閣斟酌看一下。
- 咱就來共伊好好仔分析一下。
067-02
[動詞]+一下
[tōng-sû]+tsi̍t-ē
語法說明
接在動詞後面，帶出動作發生後的狀況，依變調規則讀。
例句
- 驚一下煞昏去
- 街仔踅一下有紲勢，都也毋捌聽過古坑咖啡；
- 謼，挵一下我有夠疼。
- 阿媽看一下起愛笑講：「恁兩个姊妹仔閣咧相爭矣乎？
好/歹/僫+[動詞]
068-01
好+[動詞]
hó+[tōng-sû]
語法說明
組合成為表示容易或具正面感受的形容詞。
例句
- 有山有海好𨑨迌，
- 披衫挵檨仔絞龍眼，趕狗掠賊攏好用
- 「好食、好睏、好放屎」，
- 做小頭的顛倒好撨、好摵欲挖的炭額；
- 咱的人生就敢若頭前這條坎坎坷坷的小路，無好行，
068-02
歹+[動詞]
pháinn+[tōng-sû]
語法說明
組合成為表示不容易或具負面感受的形容詞。
例句
- 這款厝邊真歹紡。
- 常在看著的是考題傷難冊歹讀，
- 一般旁觀者是真歹體會、替𪜶分擔痛苦。
- 伊攏定定交代講：「錢歹趁，開錢愛儉。」
- 愛等車幫，時間較歹按算。
- 可怕的是染著毒癮總是予人真歹戒除
068-03
僫+[動詞]
oh+[tōng-sû]
語法說明
表示不容易進行或耗時。
例句
- 這馬少年的，頭路實在真僫揣。
- 煮食就較僫熟，
- 雖然這个困難真僫解決，
- 致使正當的咖啡館僫生存，
- 足僫承擔這个意外的打擊
- 深山林內真闊、真僫揣人。
愈……愈……
069-01
愈……愈……
jú...jú...
語法說明
連接比較關係，表示愈……愈……。
例句
- 𪜶翁愈講愈興，
- 行到橋中央，橋愈搖愈厲害，
- 酒愈囥愈芳，病愈囥愈重。
- 囡仔愈吼愈大聲，
- 愈濟人做就愈有競爭，
069-02
愈來愈……
jú-lâi-jú...
語法說明
表示更加……。
例句
- 中秋過了，冷風愈來愈透，
- 咱少年的是愈來愈勇敢、有智慧
- 答案愈來愈清楚。
- 愈來愈毋是款。
- 予身體愈來愈勇健。
嘛
070-01
嘛1
mā(1)
語法說明
也、同樣、而且，表示條件或情況並列。
例句
- 有醫生、有警察，有老師、嘛有學生，
- 伊講遐無加油站，嘛無民宿，
- 風颱天，風大雨嘛大，閣有塗石流，
- 伊毋但有台文才情，嘛有華文才情呢！
- 痟媽祖，嘛愛捌媽祖魚！
- 學長阿冬考著大學，後來阿芬嘛考著，
070-02
嘛2
mā(2)
語法說明
表示「即使、寧願……也……」。
例句
- 不而過，咱講人較頇顢嘛有一步取。
- 阿爸甘願唱歌，嘛無愛閣落舞池。
- 俗語講：「雞卵較密嘛有縫。」
- 按怎看嘛袂厭𤺪；
- 毋管閣按怎驚惶嘛是會當一睏到天光。
- 免講一世人，閣予你兩世人，你嘛挖袂了。
070-03
嘛3
mā(3)
語法說明
表達不滿、不耐煩、妥協等語氣。
例句
- 你嘛較正經咧，
- 嘛較差不多咧，
- 恁家己嘛應該去照鏡，看恁讀的系敢有影較有路用？
- 你嘛『幫幫忙』，
- 工課無嫌硬篤，月給袂計較，請伊來試看覓嘛好。
也/抑
071-01
（也）……也……
(iā)...iā...
語法說明
連結前後兩個性質相近的謂語。
例句
- 也欲做禮數，也欲做桌布。
- 按算有牢也好，無牢也好；
- 也欲熟似新老師新同學，也欲適應新環境，
- 三十捅仔，無食頭路，也無咧讀冊。
- 人講食魚食肉也著菜佮，
071-02
A抑（是）B
A ia̍h(-sī) B
語法說明
表選擇，即「A或者/還是B」。
例句
- 你講著抑是毋著。
- 興燒酒，抑是興塗豆？
- 毋管是透風抑是落雨，
- 毋知是查埔抑是查某？
- 看是欲娶某，抑是欲做事業，
- 猶閣有相片通看，好來證明是真的抑假的。
- 這種禮數毋是看物件的貴抑俗。
- 毋管走標抑創作，枋橋攏佇我的字典裡。
- 猶閣毋捌看過抑食過枝仔冰，
072-01
猶……
iáu...
語法說明
還……，表示仍舊、尚且。
例句
- 猶有人會記得，彼回烏山嶺地動，
- 我猶有一點仔代誌，著較早轉去。
- 台灣社會猶無人對這个角度提出來討論，
- 結果十點載去賣，十二點半猶無看轉來。
- 我看伊這馬猶未四歲，
- 按呢的人生猶有啥物路用。
- 我猶是有一點仔緊張。
- 逐家猶是慣勢尊稱伊校長。
- 彼个時陣，我猶閣袂曉羅馬字，
- 猶閣有，燒炭放出來的空氣汙染煞愈來愈嚴重。
- 臺灣人猶算厚禮數。年仔節仔是婚姻關係結親情跋感情所要緊的。
- 教完的時要求𪜶照劇情配音，猶不止仔好耍。
073-01
曷
a̍h
語法說明
又、哪，表示強調或反詰的語氣。
例句
- 就有四五个人倚過來，曷無熟無似，煞相爭欲共你搭油，
- 咱曷無英語殖民母國的強制資源，
- 有人講，彼羅馬字我曷袂曉讀、袂曉寫，
- 所以想袂曉因為欲鉸頭毛會哭甲欲死欲活，曷毋是袂閣發，
- 我曷知！伊講以前請無過，這馬欲請閣較䆀。
(抑若)無
074-01
（抑若）無1，
(iah-nā-)bô(1),
語法說明
不然、或者，後接前述條件的替代方案。會以「無、若無、抑無、抑若無」等形式出現。
例句
- 我欲哪會食會落飯？無，嘛著凊彩扒兩喙，
- 若按呢，無，今年租仔恁交八成就好。
- 喔，有影無？無，咱來去拍球，好無？
- 袂使無收。抑無，提一塊餅相請就好。
- 啊！今仔日歇睏，抑無來款料puān油飯！
074-02
（抑若）無2，
(iah-nā-)bô(2),
語法說明
不然、否則，後接不依照前述條件進行會導致的後果。會以「無、若無、抑無、抑若無」等形式出現。
例句
- 應該愛有對應的教育政策才著，無，遮的承諾攏是空殼niâ
- 好佳哉，刀工猶原在，無，換別人穩去切著手。
- 毋通剖柴連砧剖，若無，是會害人不害己，害著家己死喔！
- 請即時即刻去揣心臟科醫師掛急診！若無，會出代誌！
- 我總是借機會小變一下，抑無，攏嘛阿兄霸占牢的。
- 先來豬砧買後腿肉，抑無會買無，
- 橫直你家己愛細膩啦，抑若無你會比我閣較早做仙喔！
075-01
[形容詞]+仔+[動詞]
[hîng-iông-sû]+á+[tōng-sû]
語法說明
部分形容詞加「仔」轉副詞來修飾動詞，即「......地」進行某動作，用於相對消極的語境。
例句
- 坐落來恬恬仔等待。
- 濟歲人著愛好禮仔行，
- 輕可仔做，罔做議量，
- 而且是笑笑仔接受。
- 才慢慢仔行轉去厝內底。
- 只要戇戇仔食、就會戇戇仔大，
- 綴海湧，輕輕仔搖咧幌咧。
- 我會當安心仔共伊掛佇咧客廳矣！
076-01
是……--的
sī...+--ê
語法說明
強調「是……的」中間的成分。
例句
- 口味是一粒一的。
- 心肝頭實在是足凝的。
- 溫室效應是對心室效應來的。
- 我看著這心肝底是足歡喜的。
- 相信這並毋是逐家所希望欲愛的。
[動詞]+上/落+[賓語]
077-01
[動詞]+上+[賓語]
[tōng-sû]+tsiūnn+[pin-gí]
語法說明
從下往上到賓語的位置。
例句
- 嘛是台灣欲行上國際舞台的另外一个撇步！
- 兩隻同齊𬦰上橋頂，
- 我一路駛上一三九道路對公園路的市內行，
- 好話送上天，歹話囥一邊。
- 阮兜紅紅的西瓜切好捀上桌頂一人一𥐵，
077-02
[動詞]+落+[賓語]
[tōng-sû]+lo̍h+[pin-gí]
語法說明
從上往下到賓語的位置。
例句
- 仝款切予一塊一塊抨落鼎底用煠的，
- 一支劍插落塗，
- 逐日天光到日頭落山挖塗流。
- 因為政治因素，煞漸漸行落崎，
- 流籠坐落樓跤，
- pőng一下有人摔落海，是阮小弟，
078-01
有時……有時……
ū-sî...ū-sî...
語法說明
連結前後兩個事件，即「有時候……有時候……」。也可以用有時陣、有當時仔。
例句
- 地球有時陣夭壽寒、有時陣夭壽熱，
- 有時月圓圓，有時月若眉，
- 生理有時好、有時䆀，
- 有時好著生理人，有時好著作穡人；
- 雖罔我的狀況有時好有時䆀
079-01
[動詞]+看/覓/看覓
[tōng-sû]+khuànn/māi/khuànn-māi
語法說明
表嘗試。有[動詞]+看、[動詞]+覓、[動詞]+看覓三種型式。
例句
- 現場閣試看會發動未。
- 敢有影？試看咧你就知。
- 咱來講覓。
- 講師叫阮逐家想看覓，
- 鮮閣鬆，食看覓就知，保證滿意
- 著閣來去病院檢查看覓。
080-01
按呢……
án-ne...
語法說明
代替前面的句子，即「這樣……」。
例句
- 換我對這爿行過去，按呢咱才會平安過橋，
- 吸收日月精華，按呢「修練」才有算完成，
- 好啊，按呢就麻煩你嘿！
- 你若講會清楚主體性，按呢就有「角色定位」的概念矣！
- 厝內閣無電火，按呢欲按怎讀書？
081-01
拄
tú
語法說明
表示後面接的事情剛發生，即「（才）剛……」。有拄、才、拄才、才拄四種型態。
例句
- 拄行入庄，遠遠就聽著狗仔咧吠的聲，
- 會記得國中二年拄開學無偌久，
- 聽醫生講白鼻拄出世無偌久就hông放捒，
- 你囡仔人拄欲大，身體愛顧予健，
- 拄講煞，就有十外个學生囡仔攑手，
082-01
敢講……？
kám-kóng...?
語法說明
加強反問語氣，即「難道」。
例句
- 聽講這个所在號做「桃花源」，敢講地主刁工照中國冊所記載的來起造這片樂園？
- 敢講你早就知影你時日無濟，欲享盡你的食福？
- 造成海洋生態劫數，敢講，咱逐家毋免好好考慮？
- 遮的相關法令，敢講攏有歧視的意涵？
- 為啥物近來三不五時就提物件共伊掔，敢講伊有佇啥所在去得失著彼个囡仔？
才
083-01
（先）……才1……
(sing)...tsiah(1)...
語法說明
表示條件成立或事件發生有先後順序。
例句
- 老師著做好模範，才會當教人子弟，
- 欲𨑨迌寫了才去𨑨迌。
- 咱先來開講，等一下才食飯。
- 按呢先予你洗、揀好，賰的才交予我。
- 管待有欠用、無欠用，先踅才講，
- 食五工藥仔才閣來。
- 等候若熟才挖起來食。
083-02
[條件]+才2+[狀態]
[tiâu-kiānn]+tsiah(2)+[tsōng-thài]
語法說明
表示符合條件才發生後面的事件或狀態。
例句
- 一直耍甲暗暗暗才離開虎尾，轉來台中。
- 所以規氣攏莫做，才袂傷著全體人民的感情。
- 欲試食嘛愛較有站節咧才著啊！
- 千萬毋通共保護健康的，當做損害身體的才是。
- 按呢對母語文書寫運動才有具體的幫贊。
- 干焦到年兜，才會當食著魚肉，
- 這干焦阮遮才有，恁遐無。
083-03
才3+[條件]+就+[狀態]
tsiah(3)+[tiâu-kiānn]+tō+[tsōng-thài]
語法說明
在短時或少量的條件下，就發生後面的事件或狀態。
例句
- 才幾工無轉台北，就袂適應。
- 紅嬰仔才拄出世就去予無去！
- 才一睏仔囝，我人就袂艱苦矣！
083-04
才4
tsiah(4)
語法說明
表示只有……。
例句
- 聽講i--á嘛才四十捅歲niâ。
- 伊真儉！總共才這兩領siat-tsuh爾，
- 設使本錢才十六來算，會當賣到偌懸，
- 昨昏咧用的手鋸仔總長嘛才三十五公分，
083-05
才5……咧
tsiah(5)...leh
語法說明
表示強調的語氣。
例句
- 𪜶才毋願參我行做伙咧。
- 對一个細漢囡仔來講袂好玄才怪奇咧，
- 我才無愛騎咧！
賓語位置
084-01
[賓語]+[動詞]+[補語]
[pin-gí]+[tōng-sû]+[póo-gí]
語法說明
華語[動詞]+[補語]+[賓語]的句式，若為「動作+結果」，則台語的賓語必須強制提前，成為[賓語]+[動詞]+[補語]。但若補語為有、無、輸、贏、斷、破、死等，可容許賓語不提前。
例句
- [賓語強制提前]
- 阿扁仔衫褲款好好，準備欲出獄矣，
- 工課若做煞，逐家攏是兩肢手膨疱兼遛皮，
- 咱「拉麵」食了才來做功課好無？
- 你功課做了矣是毋？
- [賓語前後皆可]
- 啊都這幾日生理攏做無，
- 阮阿公是青盲牛，頂懸的字看無。
- 干焦聽有伊上慣勢的語言。
- 伊看有宋澤萊的台語詩。
- [賓語無提前]
- 閣想欲澈底拍贏北風，
- 人咧講話，你莫共人拍斷鼓柄。
- 摃破家己的招牌
- 伊出車禍挵斷一齒角齒
- 正經揣無跤路通迒過
- 啥物心情攏揣有一首歌來合
- 毋忍心來拆破你欺騙的話，莫閣講遐爾濟（歌詞）
- 嘛是因為阿公拆散𪜶爸仔囝（平衡）
084-02
[動詞]+[賓語]+[補語]
[tōng-sû]+[pin-gí]+[póo-gí]
語法說明
華語[動詞]+[補語]+[賓語]的句式，在特定幾個用法中會習慣以[動詞]+[賓語]+[補語]的順序使用。
例句
- 到食飯飽的下晡時，
- 鬥陣的時陣煞賰食暗飽到欲睏的這段時間爾爾。
- 食晝飽盹龜一下。
- 啉酒醉咧掠兔仔
遮/遐
085-01
遮/遐
tsia/hia
語法說明
近指與遠指代詞，即「這裡、那裡」。
例句
- 這陣，倚南港、內湖、汐止遮有客運分四个路線咧行。
- 對遮，咱就會當了解台灣中國化的程度有偌爾仔深。
- 十九世紀，移民捌佇遮相刣甲欲死欲活。
- 電光室佇門口斡倒爿遐，
- 去外口遐等一下！
- 𪜶早就傱來佇遐等主人家的車；
085-02
遮/遐（爾）……
tsiah/hiah (-nī)...
語法說明
表達形容詞的程度，離自己較近或較有關者用「遮（爾）」，離自己較遠或較無關者，用「遐（爾）」」，即「這麼、那麼」。
例句
- 厝裡頭喙遮爾濟，
- 是啥人遮爾好運？
- 差不多有三个玉山國家公園遐爾仔大喔！
- 雄雄想著跤底的潭水，有六層樓仔遐爾深，
- 哪會遮厲害！
- 溪水遮清氣著。
- 無像過去遐時行。
- 這馬的寒天無像較早遐生冷，
085-03
遮的/遐的
tsia-ê /hia-ê
語法說明
指一類群人事物，離自己較近或較有關者用「遮的」，離自己較遠或較無關者，用「遐的」」，即「這些、那些」。
例句
- 向望遮的囡仔以後大漢會閣對我這个老師有印象。
- 遐的人敢有一屑仔反省的心？
- 以上遮的，就算咱已經攏捌透透，猶原愛閣較有闊度，
- 這馬我欲講的是影響比遐的較大的「聚珍堂」，
- 遮的新聞事件有一个共同點，
- 無親手摸著遐的古早物，
092-01
[動詞]+（過）來+[動詞]+（過）去
[tōng-sû]+(kuè-)lâi+[tōng-sû]+(kuè-)khì
語法說明
動詞重疊，嵌入來、去，表示動作反覆。
例句
- 嫌豆仔有烏斑，嫌豆仔有蟲空。嫌過來嫌過去，
- 醫生帶手套指頭仔伸入去尻川內底摸過來摸過去了後，
- 干樂抨眠床頂，反過來反過去，
- 猶有不止仔濟頭幔絲仔巾信回教的查某人咧行來行去
- 幾隻牛食來食去嘛攏佇家己彼條牛索半徑內底。
- 我想來想去想袂賰，
093-01
是講……
sī-kóng...
語法說明
提起話題或語氣轉折。「講」要讀變調。
例句
- 頭家娘直直招我買，永遠都留一角仔欲貯甜路，我攑雙手贊同，是講，敢干焦是查某人？
- 像伊做出這種傷天害理的代誌，一定愛受著報應，袂當予伊逍遙佇法律之外。是講敢一定愛共伊判死刑？
- 其實，佇政府的「國家災害防救中心」濟少已經攏上網路予民眾參考。是講，有偌濟民眾來致意？目前的資訊敢有夠？
- 若拄著好天，我就想欲來摃「甲板goo-lú-huh」若拄著大風雨，我就想欲來䖙佇眠床頂。是講看這个範勢，敢若小可有欲變歹天的款。
- 先佇網路Google有關你的消息，就大約仔知影你有幾兩重。是講現在人面冊的觀眾佮族群有這款的現象：文章傷長──貧惰看。
- 飛行機彼款ia̋n-jín的聲，就通予番人乖乖仔共幾若十个銃枝交出來矣。是講上要緊的毋是彼，是咱著急欲新起飛行機場，
095-01
袂輸……
bē-su...
語法說明
好像、如同。
例句
- 彼當時，奶母袂輸共我當做大漢囡仔，
- 這號利便的代價袂輸是「刣頭生理」，
- 袂輸驚人聽袂著伊欲講的話；
- 袂輸嘛是對我講的。
- 特別是假日，公用電話頭前，排列的人袂輸長城。
- 袂輸佇鼎底咧炒塗豆遐鬧熱，
- 袂輸咧用文字佮影像練喙花、開party。
見若/見/串
096-01
見若……（就）
kiàn-nā...(tō)...
語法說明
只要……就……。
例句
- 閣較毋通見若不如意就欲共人反。
- 所以見若落一下仔雨，就走山、做大水，
- 見若暗時十點外就一直吹狗螺，
- 細漢時仔見若到五日節，這項工課攏會是我的份，
- 見若相拍一定拍到一爿倒落才會煞事，
096-02
見/串+[動詞]
kiàn/tshuàn+[tōng-sû]
語法說明
每次……都……。
例句
- 見講規布袋，實在予人㤉
- 伊的喙真聖，見講見對。
- 串講攏負面的，
- 伊串做攏彼款烏魯木齊的代誌
097-01
--[數量]
--sòo-liōng
語法說明
將數量讀為輕讀時，表示數量非語句的焦點。若用「一、兩、幾」則表示不定量。
例句
- 這項菜真好食。閣加食一屑仔。
- 來去溼一杯仔，我請。
- 就歡迎伊加蹛一站仔，
- 阿媽請你著加𣁳兩碗仔，閣加請兩个仔，
- 流傳真濟佮魔神仔有底代的故事，閣會留人踮遐蹛幾工仔。
- 去共朋友擺幾千箍仔。
098-01
偌+[形容]+拄偌+[形容]
guā+[hîng-iông]+tú guā+[hîng-iông]
語法說明
加強形容詞的程度，後接表達不贊同的語句，即「多怎樣又多怎樣」。
例句
- 有人定定欣羨外國，講外國偌媠拄偌媠、偌好拄偌好，
- 講著偌俗拄偌俗，結果比人加貴百外箍。
- 阿三仔誠臭煬，不時講家己偌𠢕拄偌𠢕。
- 閣咧品𪜶囝功課偌好拄偌好矣。
099-01
……久
...kú
語法說明
表示時間的長度。
例句
- 相規晡久，毋知是啥物碗糕sô。
- 奮鬥到今四十幾冬久。
- 毋過過半點鐘久煞猶無任何警察來處理交繚。
- 燒淡薄仔退。一搭久，燒閣懸起來。
- 食差不多半點外鐘久，就趕緊離開。
- 著解說規晡久，𪜶猶若「鴨仔聽雷」，
100-01
來去……
lâi-khì...
語法說明
表示「去」，常合音為laih。主語為第一人稱，且會發生在未來。若主語為「咱」，則常有邀約、提議的意思。
例句
- 你考慮一下，我閣來去揣別戶講看覓咧。
- 來去溼一杯仔，我請。
- 後禮拜你生日，咱來去知本𨑨迌。
- 來去做顧問比做工較有意思。
- 若祖先祭拜煞，隔工咱來去竹仔湖踏草青，
- 查埔人行菜市嘛真飄撇。咱鬥陣來去。
101-01
毋才
m̄-tsiah
語法說明
即「才」，強調事件的結果或判斷。這裡的「毋」非表示否定。
例句
- 這款豆仔才四捻，毋才有人講是「四角豆」、「翼豆」，
- 你敲去佮阿進仔抑是阿興仔講，毋才著。
- 嘛毋予外口的狗仔傱入來園仔亂翸一場，毋才會遐費氣咧連鞭縛連鞭敨，
- 賰落來卯有著的實在嘛無幾个，所以毋才人人不時咧喝歹趁食，
- 久久啉一擺毋才好啉。
102-01
毋就
m̄ tō
語法說明
強調主觀意見的語氣。這裡的「毋」非表示否定。
例句
- 阮幾十冬的拍拚、開墾，毋就攏了白工？
- 抱心毋就表示無正常？
- 啊毋就好得佳哉有注疫苗，
- 毋就加衰的！
- 若去予扱著，毋就規領皮都剝起來？
104-01
[形容詞/狀態動詞]+死
[hîng-iông-sû/tsōng-thài tōng-sû]+--sí
語法說明
表示該形容詞或該狀態達到極致。
例句
- 活欲吵死，人都真愛睏，閣咧共人吵。
- 講甲遮聳勢！強欲予驚死，
- 頭大親像獅規粒攏貯屎的人真正凝死！
- 阿媽是活欲惱死。
- 這聲你真正卯死矣。
105-01
[動詞]+了了/了去/了了去
[tōng-sû]+liáu-liáu/liáu--khì/liáu-liáu--khì
語法說明
表示澈底或完全耗盡。
例句
- 一代親，兩代表，三代毋捌了了。
- 現金輸了了，支票閣提起來開
- 今，這聲害了了矣，萬二箍呢。
- 頭路咧欲hông賣了去矣，猶放外外，無要無緊，
- 伊去拄著金光黨，一寡錢攏予人騙了了去。
- 毋通連鞭發性地，才袂冤甲感情拍歹了了去。
106-01
[名詞]+--了了
[miâ-sû]+--liáu-liáu
語法說明
表示「全部都……」，帶有抱怨的意思。
例句
107-01
[動詞]+有/無法+得
[tōng-sû]+ū/bô-huat+--tit
語法說明
表示能/不能做到。現代口語中「得(--tit)」常省略。
例句
- 載遐爾濟菜，敢載有法？
- 伊的身材瘦閣兼薄板，敢搬有法？
- 真正讀無法的嘛無勉強，
- 這枝柱仔傷細枝，載無法得。
116-01
動詞重疊AABB
tōng-sû tîng-tha̍h AABB
語法說明
動詞重疊表示動作重複發生。
例句
- 落南去小港機場看飛行機起起落落，
- 早前出出入入著愛蹽溪過嶺，
- 伊來來去去幾若百逝攏無歇睏，
- 著共認定是冥冥當中有一支手咧搝搝搦搦，
- 伊就是傷無良心，才會予人指指揬揬。
- 自昨暝到今伊攏一直啼啼哭哭。
117-01
[動詞]+一下仔+[賓語]
[tōng-sû]+tsi̍t-ē-á+[pin-gí]
語法說明
表示短時或少量的動作，「仔」不可省略。
例句
- 好啦！予我先洗一下仔面。
- 干焦早起去抾一下仔字紙爾，
- 所以見若落一下仔雨，
- 會當享受一下仔清閒，免閣遐爾勞碌，
- 歇一下仔中晝，
118-01
哪/呔/盍……
ná/thài/khah...
語法說明
「怎麼......」，以反問表示強調的語氣。
例句
- 欲哪有可能送予別人咧？
- 𪜶的生活方式哪會遮怪奇？
- 像阮這款生食都無夠的人哪有法度提會出來，
- 穿游泳衫、游泳褲的呔遐濟，
- 欸，你毋是無女朋友？呔會共阿美仔騙啊！
- 是按怎下昏盍會恬恬咧，
- 彼陣盍遐爾仔戇，
119-01
……的時（陣）
...ê sî(-tsūn)
語法說明
在某個時間點，即「……的時候」。「的」不可省略。
例句
- 我的人生佇三十四歲的時陣轉一个大斡，
- 啊月上圓的時陣是佇佗一工？
- 真少有兩个年級做伙上課的時陣。
- 落車的時陣天烏陰烏陰，
- 佇我受委屈的時陣安慰我；
- 大學二年的時我做副社長
- 等天氣較涼的時，咱會使來去遐𨑨迌。
- 細漢的時，我上愛綴阿母去踅菜市仔，
- 運氣好的時無代誌，運氣䆀的時跋甲大空細膩，
